କଲିକତା: ଭାରତର କୋଣ ଅନୁକୋଣରେ ଏବେ ଜାମ୍ମୁ କାଶ୍ମୀର ଚର୍ଚ୍ଚା । ପ୍ରତିଟି ଭାରତୀୟ ଜାମ୍ମୁ କାଶ୍ମୀରର ନୂତନ ରାଜ୍ୟ ପୁନଃଗଠନ ନେଇ ଖୁସି ମନାଉଛନ୍ତି । ଏମିତି ସ୍ଥିତିରେ ଜାମ୍ମୁ କାଶ୍ମୀରକୁ ମିଳିଛି ବିଜୟ । ଦୁରନ୍ତ କପ ଫୁଟବଲରେ ଦମ ଦେଖାଇଛି ଉପତ୍ୟକାର ପ୍ରଥମ ଦଳ ରିୟଲ କାଶ୍ମୀର ଏଫସି ।
ଏହାସହ ଇଣ୍ଡିଆନ ଲିଗ ଚମ୍ପିଆନ ଚେନ୍ନାଇ ସିଟି ଏଫସିକୁ 1-0ରେ ହରାଇ, ବିଜୟରୁ ଅଭିଜାନ ଆରମ୍ଭ କରିଛି ଦଳ । କଲ୍ୟାଣି ଷ୍ଟାଡିୟମରେ ହୋଇଥିବା ଚେନ୍ନାଇ ସିଟି ଏଫସି ବିପକ୍ଷ ମ୍ୟାଚରେ ଜବରଦସ୍ତ ପ୍ରଦର୍ଶନ କରିଛି ରିୟଲ କାଶ୍ମୀର ଏଫସି ।
ମ୍ୟାଚର 90ତମ ମିନିଟରେ ରିୟଲ କାଶ୍ମୀରର ଡେନିସ ଫାରୁକ ଏକମାତ୍ର ଗୋଲ କରିଥିଲେ । ଫଳରେ ଏହି ରୋମାଞ୍ଚକର ମୁକାବିଲାରେ ରିୟଲ କାଶ୍ମୀର ବିଜୟୀ ହୋଇଥିଲା । ଡେନିସଙ୍କୁ 'କାଶ୍ମୀର ରୋନାଲ୍ଡ' ବୋଲି କୁହାଯାଉଛି ।
