ଲଣ୍ଡନ: ଇଂଲିସ ଫୁଟବଲ ଲିଗର ଦୁଇ ଖେଳାଳି କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ କ୍ଳବ ପକ୍ଷରୁ ସ୍ପଷ୍ଟ କରାଯାଇଛି ।
ଜୁନ 3ରୁ ଜୁନ 6 ପର୍ଯ୍ୟନ୍ତ ପ୍ରାୟ 24ଟି ଚମ୍ପିଆନସିପ କ୍ଳବର 1179 ଖେଳାଳି ଓ ଷ୍ଟାଫଙ୍କ କୋଭିଡ-19 ପରୀକ୍ଷା କରାଯାଇଥିଲା । ଏହି ପର୍ଯ୍ୟାୟରେ 2ଜଣଙ୍କର ରିପୋର୍ଟ ପଜିଟିଭ ରହିଥିବା ଜଣାପଡିଛି ।
ରିପୋର୍ଟ ପଜିଟିଭ ଆସିଥିବା ଦୁଇ ସଦସ୍ୟଙ୍କ ସ୍ବାସ୍ଥ୍ୟାବସ୍ଥା ସ୍ବାଭାବିକ ରହିଛି । ଉଭୟଙ୍କୁ ସେଲ୍ଫ ଆଇସୋଲେସନରେ ରଖାଯାଇଥିବା, ଇଂଲିସ ଫୁଟବଲ ଲିଗ ଏକ ଘୋଷଣାନାମାରେ ସ୍ପଷ୍ଟ କରିଛି । ଅନ୍ୟପଟେ ରିପୋର୍ଟ ନେଗେଟିଭ ଥିବା ସଦସ୍ୟଙ୍କୁ ଗ୍ରାଉଣ୍ଡରେ ପ୍ରବେଶ ସହ ଅଭ୍ୟାସ ପାଇଁ ଅନୁମତି ପ୍ରଦାନ କରାଯାଇଛି ।
