ହାଇଦ୍ରାବାଦ: ଆଜି ହେଉଛି ବିଶ୍ବ ମାତୃତ୍ବ ଦିବସ । ଏହି ବିଶେଷ ଦିବସରେ ସମସ୍ତେ ସାମାଜିକ ଗଣମାଧ୍ୟମରେ ସ୍ବତନ୍ତ୍ର ପୋଷ୍ଟ୍ ସେୟାର କରି ନିଜନିଜ ମାଆଙ୍କୁ ଅଭିନନ୍ଦନ ଜଣାଇଛନ୍ତି । ତେବେ ଏହି କ୍ରମରେ ଭାରତୀୟ ଷ୍ଟାର କ୍ରିକେଟରମାନେ ମଧ୍ୟ ସାମିଲ ରହିଛନ୍ତି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କଠାରୁ ଆରମ୍ଭ କରି କିଙ୍ଗ କୋହଲିଙ୍କ ପର୍ଯ୍ୟନ୍ତ, ସମସ୍ତେ ନିଜ ସୋସିଆଲ ମିଡିଆ ଆକାଉଣ୍ଟରେ ନିଜ ନିଜ ମାଆଙ୍କ ସହ ସ୍ବତନ୍ତ୍ର ଫଟୋ ସେୟାର କରି ବିଶ୍ବ ମାତୃତ୍ବ ଦିବସର ଶୁଭକାମନା ଜଣାଇଛନ୍ତି ।
ଏହା ମଧ୍ୟ ପଢ଼ନ୍ତୁ... Mother's Day: ମା’... ଯାହାଠୁ ଆରମ୍ଭ ଜୀବନ
ପୂର୍ବତନ କ୍ରିକେଟର ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ସାମାଜିକ ଗଣମାଧ୍ୟମରେ ତାଙ୍କ ମାଆଙ୍କ ସହିତ ଏକ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସେ ମାଆଙ୍କ ପାଦ ଛୁଇଁ ଆଶୀର୍ବାଦ ନେଉଥିବା ଦେଖିବାକୁ ମିଳିଛି । ଫଟୋ ସେୟାର କରି ସେ ଏକ ହୃଦୟସ୍ପର୍ଶୀ କ୍ୟାପସନ ମଧ୍ୟ ଲେଖିଛନ୍ତି । ସେହିପରି କ୍ରିକେଟର ଶିଖର ଧାୱନ ମଧ୍ୟ ତାଙ୍କ ମାଆଙ୍କ ସହିତ ଏକ ଫଟୋ ସେୟାର କରି ଲେଖିଛନ୍ତି, "ମାଆ, ମୋତେ ଜୀବନରେ ସବୁଠାରୁ ଉତ୍ତମ ଜିନିଷ ଦେଇଥିବାରୁ ଧନ୍ୟବାଦ । ତୁମ ସ୍ନେହ, ପ୍ରେମ, ଯତ୍ନ ଏବଂ ସବୁବେଳେ ଅବିଶ୍ବସନୀୟ ସମର୍ଥନ ପାଇଁ ମୁଁ ଚିର ଋଣୀ । ଶୁଭ ମାତୃତ୍ବ ଦିବସ ।"
ଏହା ମଧ୍ୟ ପଢ଼ନ୍ତୁ... ୬୩ ପିଲାଙ୍କ ମାଆ କସ୍ତୁରୀ: ୩୯ ଝିଅଙ୍କୁ ବାହାଦେଲେଣି, ୧୭ ବୋହୂ ଆଣିଲେଣି
ସେପଟେ କ୍ରିକେଟ ଜଗତର କିଙ୍ଗ୍ ବିରାଟ କୋହଲି ନିଜ ସୋସିଆଲ ମିଡିଆରେ ସ୍ତ୍ରୀ ଅନୁଷ୍କା ଏବଂ ତାଙ୍କ ଝିଅ ଭାମିକାଙ୍କର ଏକ ଫଟୋ ସେୟାର କରିଛନ୍ତି । ଯଦିଓ ଏହି ଫଟୋରେ ଉଭୟ ଅନୁଷ୍କା ଓ ଭାମିକାଙ୍କର ଚେହେରା ସ୍ପଷ୍ଟ ଭାବେ ଦେଖାଯାଉନାହିଁ, ଏହି ଫଟୋକୁ ପ୍ରଶଂସକମାନେ କିନ୍ତୁ ବେଶ ପସନ୍ଦ କରିଛନ୍ତି । ଏହା ସହିତ ବିରାଟ ଅନୁଷ୍କାଙ୍କ ମାଆ ଏବଂ ତାଙ୍କ ମାଆଙ୍କର ଫଟୋ ସେୟାର କରି କ୍ୟାପସନରେ ଶୁଭ ମାତୃତ୍ୱ ଦିବସ ବୋଲି ଲେଖିଛନ୍ତି । ଅନୁଷ୍କା ଏହି ପୋଷ୍ଟରେ ପ୍ରତିକ୍ରିୟା ଦେଇ 'ଥ୍ୟାଙ୍କ ୟୁ' ବୋଲି ମଧ୍ୟ ଲେଖିଛନ୍ତି । ଏବେ ଆଇପିଏଲ ଋତୁ ଚାଲିଥିବା ବେଳେ ଦେଶରେ କ୍ରିକେଟର କ୍ରେଜ ବହୁତ ଉପରେ ରହିଛି । ଏହାରି ଭିତରେ ବିଶ୍ବ ମାତୃତ୍ବ ଦିବସରେ ନିଜ ପ୍ରିୟ କ୍ରିକେଟରଙ୍କ ଏଭଳି ମାତୃତ୍ବ ଦିବସର ଶୁଭେଚ୍ଛା ଓ ସୁନ୍ଦର ଫଟୋକୁ ବେଶ ପସନ୍ଦ କରିଛନ୍ତି ପ୍ରଶଂସକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
