ଜୋହାନ୍ସବର୍ଗରେ ଜିତିଲା ଦକ୍ଷିଣ ଆଫ୍ରିକା, ଭାଙ୍ଗିଲା ଭାରତର ଅପରାଜେୟ ରେକର୍ଡ

କ୍ୟାପଟେନ ଡିନ ଏଲଗାରଙ୍କ ଲଢୁଆ ଇଂନିସ ବଳରେ ଭାରତ ବିପକ୍ଷ ଦ୍ବିତୀୟ ଟେଷ୍ଟକୁ ୭ ୱିକେଟରେ ଜିତିଲା ଦକ୍ଷିଣ ଆଫ୍ରିକା । ୩ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର । ଅଧିକ ପଢନ୍ତୁ

ଜୋହାନ୍ସବର୍ଗ: କ୍ୟାପଟେନ ଡିନ ଏଲଗାରଙ୍କ ଲଢୁଆ ଇଂନିସ ବଳରେ ଭାରତ ବିପକ୍ଷ ଦ୍ବିତୀୟ ଟେଷ୍ଟକୁ ୭ ୱିକେଟରେ ଜିତିଲା ଦକ୍ଷିଣ ଆଫ୍ରିକା । ଫଳରେ ୩ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର ହୋଇଛି । ୨୪୦ ରନ୍‌ର ବିଜୟ ଲକ୍ଷ୍ୟକୁ ୩ ୱିକେଟ ହରାଇ ହାସଲ କରିନେଇଛି ଘରୋଇ ଟିମ । ଏଥିସହିତ ଜୋହାନ୍ସବର୍ଗରେ ଭାରତର ଟେଷ୍ଟ ଅପରାଜେୟ ରେକର୍ଡ ଭଙ୍ଗ ହୋଇଛି ।

• South Africa beat India for the first time at the Wanderers and keep the series alive 💥
  
  Dean Elgar leads by example and helps the Proteas level the series 1-1 👏#WTC23 | #SAvIND pic.twitter.com/zqgRP5Cm1x

  — ICC (@ICC) January 6, 2022 " class="align-text-top noRightClick twitterSection" data="

  South Africa beat India for the first time at the Wanderers and keep the series alive 💥
  
  Dean Elgar leads by example and helps the Proteas level the series 1-1 👏#WTC23 | #SAvIND pic.twitter.com/zqgRP5Cm1x

  — ICC (@ICC) January 6, 2022

  ">

  South Africa beat India for the first time at the Wanderers and keep the series alive 💥
  
  Dean Elgar leads by example and helps the Proteas level the series 1-1 👏#WTC23 | #SAvIND pic.twitter.com/zqgRP5Cm1x

  — ICC (@ICC) January 6, 2022

ଡିନ ଏଲଗାର ଅପାରାଜିତ ୯୬ ରନ୍‌ର ମ୍ୟାଚ୍‌ ବିଜୟୀ ଇଂନିସ ଖେଳିଥିଲେ । ଚତୁର୍ଥ ଦିନ ଖେଳ ବର୍ଷା ଯୋଗୁଁ ବାଧାପ୍ରାପ୍ତ ହୋଇଥିଲା । ୧୧୮/୨ରୁ ଚତୁର୍ଥ ଦିନ ଖେଳ ଆରମ୍ଭ କରିଥିଲା ଦକ୍ଷିଣ ଆଫ୍ରିକା । ରସି ଭନ ଡସନଙ୍କ ସହ ମିଶି କ୍ୟାପଟେନ ଏଲଗାର ଟିମକୁ ଭଲ ଆରମ୍ଭ ଦେବା ସହ ବିଜୟ ସୁନିଶ୍ଚିତ କରିଥିଲେ । ଉଭୟଙ୍କ ମଧ୍ୟରେ ଅର୍ଦ୍ଧଶତକୀୟ ଭାଗିଦାରୀ ସହ ଦଳୀୟ ସ୍କୋର ୧୪୦ ପାର୍‌ କରାଇଥିଲେ । ଫଳରେ ଘରୋଇ ଟିମ ବିଜୟ ପାଇଁ ୧୦୦ରୁ କମ ରନ୍‌ ଆବଶ୍ୟକ କରୁଥିଲା ଓ ହାତରେ ୮ ୱିକେଟ ସୁରକ୍ଷିତ ରହିଥିଲା ।

ତେବେ ମହମ୍ମଦ ସାମି ଲୋକାଲ ବଏ ଡସନଙ୍କୁ ୪୦ ରନ୍‌ରେ ବ୍ୟାଟିଂ କରୁଥିବା ସମୟରେ ଆଉଟ୍‌ କରି ଭାଗିଦାରୀ ଭାଙ୍ଗିଥିଲେ । ତେବେ ପ୍ରଥମ ଇଂନିସରେ ୭ ୱିକେଟ ହାସଲ କରିଥିବା ଶାର୍ଦ୍ଦୁଳ ଠାକୁର ତେମ୍ବା ବାଭୁମାଙ୍କ କ୍ୟାଚ୍‌ ହାତଛଡା କରିଥିଲେ । ଏହାର ଫାଇଦା ଉଠାଇ ବାଭୁମା ଦକ୍ଷିଣ ଆଫ୍ରିକାକୁ ବିଜୟ ଆଡକୁ ନେଇଯାଇଥିଲେ । ଶେଷରେ ବିଜୟ ପାଇଁ ୧ ରନ୍‌ ଆବଶ୍ୟକ କରୁଥିବାବେଳେ କ୍ୟାପଟେନ ଏଲଗାର ଚୌକା ମାରି ମ୍ୟାଚ୍‌ ଶେଷ କରିଥିଲେ ।

ସଂକ୍ଷିପ୍ତ ସ୍କୋର: ଭାରତ/୧୦ ଓ ୨୬୬/୧୦(ଚେତେଶ୍ବର ପୂଜାରା ୫୩, ରାହାଣେ ୫୮; କାଗିସୋ ରବାଡା ୩-୫୪) ବନାମ ଦକ୍ଷିଣ ଆଫ୍ରିକା ୨୨୯/୧୦ ଓ ୨୪୩/୩(ଡିନ ଏଲଗାର ୯୬*, ରସି ଭନ ଡର ଡସନ ୪୦, ଆଡନ ମାର୍କ୍ରମ ୩୧, ତେମ୍ବା ବାଭୁମା ୨୩*, ରବିଚନ୍ଦ୍ରନ ଅଶ୍ବିନ ୧-୨୬)

ବ୍ୟୁରୋ ରିପୋର୍ଟ, ଇଟିଭି ଭାରତ