Border Gavskar Trophy: ଅଷ୍ଟ୍ରେଲିଆ ବିପକ୍ଷରେ 5 ଭାରତୀୟ କ୍ରିକେଟରଙ୍କ ସର୍ବାଧିକ ରନ

ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏପର୍ଯ୍ୟନ୍ତ ୧୦୨ ଟି ଟେଷ୍ଟ ମ୍ୟାଚ ଖେଳାଯାଇଛି । ଯେଉଁଥିରେ ଅଷ୍ଟ୍ରେଲିଆର ପଲ୍ଲା ଭାରି ରହିଛି । ଅଧିକ ପଢନ୍ତୁ

ହାଇଦ୍ରାବାଦ : ଆସନ୍ତା ୯ ତାରିଖଠାରୁ ଭାରତ ଅଷ୍ଟ୍ରେଲିଆ ବିପକ୍ଷରେ ଚାରି ଟିକିଆ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ । ଏହି ସିରିଜ ହାତେଇବା ପାଇଁ ଦୁଇ ଦଳ କୌଣସି ସୁଯୋଗ ହାତ ଛଡା କରିବାକୁ ଚାହେଁନି । ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏପର୍ଯ୍ୟନ୍ତ ୧୦୨ ଟି ଟେଷ୍ଟ ମ୍ୟାଚ ଖେଳାଯାଇଛି । ଯେଉଁଥିରେ ଅଷ୍ଟ୍ରେଲିଆର ପଲ୍ଲା ଭାରି ରହିଛି । ଅଷ୍ଟ୍ରେଲିଆ ୪୩ ମ୍ୟାଚରେ ବିଜୟ ଲାଭ କରିଥିବା ବେଳେ ଭାରତ ୩୦ ଟି ମୁକାବିଲାରେ ବିଜୟୀ ହୋଇଛି । ଉଭୟଙ୍କ ମଧ୍ୟରେ ଖେଳାଯାଇଥିବା ୨୮ ଟି ମ୍ୟାଚ ଡ୍ର ରହିଛି । ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ସିରିଜରେ ଭାରତର ୫ କ୍ରିକେଟର ବେଶ୍ ସଫଳ ରହିଛନ୍ତି । ଏଥିରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଶୀର୍ଷରେ ରହିଛନ୍ତି । ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ସଚିନ ତେନ୍ଦୁଲକର ୩୯ ମ୍ୟାଚରୁ ୩୬୩୦ ରନ ସଂଗ୍ରହ କରିଥିଲେ । ଏଥିରେ ସଚିନ ୧୧ ଟି ଶତକ ହାସଲ କରିଥିଲେ । ସଚିନଙ୍କ ପରେ ଭିଭିଏସ ଲକ୍ଷ୍ମଣ ୨୮ ଟି ମ୍ୟାଚରୁ ୨୪୩୪ ରନ ସଂଗ୍ରହ କରିଛନ୍ତି । ଏଥିରେ ତାଙ୍କର ୬ ଟି ଶତକ ସାମିଲ ରହିଛି ।