ଅହମ୍ମଦାବାଦ: ପଞ୍ଜାବ କିଙ୍ଗ୍ସ ବ୍ୟାଟ୍ସମ୍ୟାନ ନିକୋଲାସ ପୁରୋନଙ୍କ ଖରାପ ଫର୍ମ ଜାରି ରହିଛି । ଚଳିତ ଆଇପିଏଲ ଟୁର୍ଣ୍ଣାମେଣ୍ଟରେ 4 ଥର ବିନା କୌଣସି ରନ କରିବା ପୂର୍ବରୁ ଆଉଟ ହୋଇସାରିଲେଣି ପୁରୋନ । ଏପରିକି ସେ ସାମ୍ନା କରିଥିବା ପ୍ରଥମ ବଲ୍ରେ ଆଉଟ, ଦ୍ବିତୀୟ ବଲ୍ରେ ଆଉଟ ଓ ତୃତୀୟ ବଲ୍ରେ ଶୂନରେ ଆଉଟ ହୋଇଛନ୍ତି ।
ବାମହାତୀ କାରବିୟନ ବ୍ୟାଟ୍ସମ୍ୟାନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଶୁକ୍ରବାର ସାମ୍ନା କରିଥିବା ତୃତୀୟ ବଲ୍ରେ ଆଉଟ ହୋଇ ପାଭିଲିୟନ ଫେରିଯାଇଥିଲେ ।
ରାଜସ୍ଥାନ ରୟାଲ୍ସ ବିପକ୍ଷରେ ପ୍ରଥମ ବଲ୍ରେ ଆଉଟ ହେବାପରେ ଦ୍ବିତୀୟ ଥର ଚେନ୍ନାଇ ସୁପର କିଙ୍ଗ ବିପକ୍ଷରେ ଶୂନରେ ଆଉଟ ହୋଇଥିଲେ । ସନରାଇଜର୍ସ ହାଇଦ୍ରାବାଦ ବିପକ୍ଷରେ କୌଣସି ରନ୍ କରିବା ପୂର୍ବରୁ ରନ୍ ଆଉଟ ହୋଇଥିଲେ । ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ବ୍ୟାଟିଂ ସୁଯୋଗ ମିଳିନଥିଲା । ଏହା ମଧ୍ୟରେ 9 ଓ 19 ରନ୍ର ଦ୍ବିତୀୟ ଇଂନିସ ଖେଳିଛନ୍ତି ପୁରୋନ ।
ହର୍ସଲ ଗିବ୍ସ ବର୍ଷ 2009ରେ , 2011ରେ ମିଥୁନ ମାନହାସ, 2012ରେ ମନୀଷ ପାଣ୍ଡେ ଓ 2020ରେ ଶିଖର ଧାୱନ 4ଥର ଶୂନରେ ଆଉଟ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
