ସାଉଥାମ୍ପଟନ: ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚ୍ ସାଉଥାମ୍ପଟନରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ । ସାଉଥାମ୍ପଟନରେ ଅଭ୍ୟାସ ସହ ପରିବେଶ ସହ ପରିଚିତ ହେବା ପରେ ନ୍ୟୁଜିଲାଣ୍ଡ ଟିମ ଲଣ୍ଡନ ଯାତ୍ରା କରିଛି । ଇଂଲଣ୍ଡ ବିପକ୍ଷରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ କେନ ୱିଲିୟମସନଙ୍କ ଟିମ ।
ବ୍ଲାକକ୍ୟାପ୍ସ ଇଂଲଣ୍ଡ ବିପକ୍ଷରେ ଦୁଇଟି ଟେଷ୍ଟ ମ୍ୟାଚ ଲଣ୍ଡନ ଓ ବର୍ମିଂହାମରେ ଖେଳିବା ନେଇ ସୂଚୀ ରହିଛି । ଏହି ସିରିଜ ଜୁନ 2ରୁ ଆରମ୍ଭ ହେବ । ଏହାପରେ ଜୁନ 18-22 ଭାରତ ବିପକ୍ଷରେ WTC ଫାଇନାଲ ମୁକାବିଲା ଖେଳିବ ନ୍ୟୁଜିଲାଣ୍ଡ ।
"ନ୍ୟୁଜିଲାଣ୍ଡ ଟିମ ଆଜି ଲଣ୍ଡନ ଯାତ୍ରା କରିଛି ।" ନ୍ୟୁଜିଲାଣ୍ଡ କ୍ରିକେଟ ବୋର୍ଡ ଟ୍ବିଟ ଯୋଗେଁ ଏହି ଘୋଷଣା କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
