ପାଣ୍ଡ୍ୟାଙ୍କ ପାଇଁ ଗୁଜୁରାଟକୁ 100 କୋଟି ଦେଇଛି ମୁମ୍ବାଇ !

Hardik Pandya: ରୋହିତ ଶର୍ମାଙ୍କୁ ହଟାଇ ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ କରିବା ପରଠାରୁ ଏବେ ପର୍ଯ୍ୟନ୍ତ ପ୍ରଶଂସକଙ୍କ ଆକ୍ରୋଶର ଶିକାର ହେଉଛି ମୁମ୍ବାଇ ଇଣ୍ଡିଆନ୍ସ । ହେଲେ ଏବେ ଆସିଥିବା ଖବର ଫ୍ରାଞ୍ଚାଇଜ୍‌କୁ ଆହୁରି ଅଡ଼ୁଆରେ ପକାଇଛି । ପାଣ୍ଡ୍ୟାକୁ ଆଣିବାକୁ ଗୁଜୁରାଟକୁ ମୁମ୍ବାଇ 100 କୋଟି ଟଙ୍କା ଦେଇଥିବା ରିପୋର୍ଟ ପ୍ରକାଶ ପାଇଛି । ଅଧିକ ପଢ଼ନ୍ତୁ

ମୁମ୍ବାଇ: ଆଇପିଏଲ୍‌ 2024 ଯେତିକି ପାଖେଇ ଆସୁଛି, ଏହାକୁ ନେଇ ଚର୍ଚ୍ଚା ସେତିକି ବଢ଼ିବାରେ ଲାଗିଛି । ହେଲେ ସବୁଠାରୁ ବେଶୀ ଚର୍ଚ୍ଚାରେ ଗୁଜୁରାଟ ଟାଇଟନ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ହୋଇଥିବା ହାର୍ଦ୍ଦିକ ପାଣ୍ଡ୍ୟାଙ୍କ ଟ୍ରେଡ୍‌ । ଯଦିଓ ଟଙ୍କା ତୁଳନାରେ ଆର୍‌ସିବି ଓ ମୁମ୍ବାଇ ମଧ୍ୟରେ କାମେରନ ଗ୍ରୀନଙ୍କ ଟ୍ରେଡ୍‌ ସବୁଠାରୁ ଦାମୀ, ହେଲେ କୁହାଯାଉଛି ଆଇପିଏଲ୍‌ ଇତିହାସରେ ପାଣ୍ଡ୍ୟାଙ୍କ ଟ୍ରେଡ୍‌ ସବୁଠାରୁ ବଡ଼ । ଏହାକୁ ନେଇ ପ୍ରଶଂସକ ମୁମ୍ବାଇକୁ ସମାଲୋଚନା କରିବା ଓ ଅନ୍‌ଫଲୋ କରିବା ପ୍ରକ୍ରିୟା ଏବେ ମଧ୍ୟ ଜାରି ରହିଛି । ଏହାରି ଭିତରେ ଆଉ ଏକ ରିପୋର୍ଟ ଆସିଛି, ଯାହା ପ୍ରଶଂସକଙ୍କୁ ଆହୁରି ଖପ୍ପା କରିଛି ।

• Hardik Pandya's trade details (Indian Express): pic.twitter.com/MNiN5grdYC

  — Mufaddal Vohra (@mufaddal_vohra) December 24, 2023 " class="align-text-top noRightClick twitterSection" data="

  Hardik Pandya's trade details (Indian Express): pic.twitter.com/MNiN5grdYC

  — Mufaddal Vohra (@mufaddal_vohra) December 24, 2023

  ">

  Hardik Pandya's trade details (Indian Express): pic.twitter.com/MNiN5grdYC

  — Mufaddal Vohra (@mufaddal_vohra) December 24, 2023

ଆଇପିଏଲ୍‌ ଅକ୍ସନ ପୂର୍ବରୁ ଖୋଲିଥିଲା ଟ୍ରେଡ୍‌ ୱିଣ୍ଡୋ । ଯେଉଁଥିରେ ଏକାଧିକ ବଡ଼ ଟ୍ରେଡ୍‌ ଦେଖିବାକୁ ମିଳିଥିଲା । ହେଲେ ସବୁଠାରୁ ଚର୍ଚ୍ଚାରେ ଥିଲା ହାର୍ଦ୍ଦିକ ପାଣ୍ଡ୍ୟାଙ୍କ ଟ୍ରେଡ୍‌ । ଗୁଜୁରାଟ ଟାଇଟନ୍ସ ଠାରୁ 15 କୋଟି ଟଙ୍କା ପାଇଁ ହାର୍ଦ୍ଦିକଙ୍କୁ ମନି ଟ୍ରେଡ୍‌ରେ ଆଣିଥିଲା ମୁମ୍ବାଇ । ଯେଉଁଥିପାଇଁ ବେଶ ସମାଲୋଚିତ ହୋଇଥିଲା ଫ୍ରାଞ୍ଚାଇଜ୍‌ । ନିକଟରେ ରୋହିତଙ୍କୁ ହଟାଇ ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ ନିଯୁକ୍ତ କରିବା ପରେ ବଢ଼ିଲା ଅଡ଼ୁଆ । ପ୍ରଶଂସକଙ୍କର କ୍ରମାଗତ ଆକ୍ରୋଶର ଶିକାର ହେଲା ମୁମ୍ବାଇ ଇଣ୍ଡିଆନ୍ସ । ସୋସିଆଲ୍‌ ମିଡିଆରେ ମୁମ୍ବାଇ ପ୍ରାୟ 9 ଲକ୍ଷ ପ୍ରଶଂସକଙ୍କୁ ହରାଇ ସାରିଲାଣି । ଏବେ ମଧ୍ୟ କିଛି କିଛି ଦଳକୁ ଅନ୍‌ଫଲୋ କରିବା ଜାରି ରଖିଛନ୍ତି । କାରଣ ପାଣ୍ଡ୍ୟାଙ୍କ ଠାରୁ ଦଳକୁ ୨୦୧୩, ୨୦୧୫, ୨୦୧୭, ୨୦୧୯ ଏବଂ ୨୦୨୦ ଭଳି 5ଟି ଆଇପିଏଲ୍‌ ସିଜିନ୍‌ରେ ବିଜୟୀ କରାଇଥିବା ରୋହିତ ଶର୍ମା ଅଧିନାୟକ ଭାବେ ପ୍ରଶଂସକଙ୍କ ଅଧିକ ପସନ୍ଦ ଥିଲେ ।

ଏବେ ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଏକ ରିପୋର୍ଟ ଅନୁସାରେ ପାଣ୍ଡ୍ୟାଙ୍କୁ ଆଣିବା ପାଇଁ ମୁମ୍ବାଇ କେବଳ 15 କୋଟି ଟଙ୍କା ନୁହେଁ, ବରଂ ଅନୌପଚାରିକ ଭାବେ ପ୍ରାୟ 100 କୋଟି ଟଙ୍କା ଗୁଜୁରାଟକୁ ଦେଇଛି । ଏହି ଖବର ସୋସିଆଲ୍‌ ମିଡିଆରେ ହଇଚଇ ସୃଷ୍ଟି କରିଛି । ଯଦିଓ ଖବର ନେଇ କୌଣସି ଆଧିକାରୀକ ରିପୋର୍ଟ ହସ୍ତଗତ ହୋଇନାହିଁ, ହେଲେ ଏହା ଏବେ ସବୁଠାରୁ ବେଶୀ ଚର୍ଚ୍ଚାରେ । ଯଦି ଏହା ସତ, ତେବେ ଆଇପିଏଲ୍‌ର ସ୍ବଚ୍ଛତା ନେଇ ପ୍ରଶ୍ନ ଉଠିବ । ଏପରିକି 100 କୋଟି ଟଙ୍କାର ଏଭଳି ଟ୍ରେଡ୍‌ର ଆବଶ୍ୟକତା ନେଇ ମଧ୍ୟ ପ୍ରଶ୍ନ ଉଠିଛି । ରୋହିତ ଶର୍ମାଙ୍କୁ ହଟାଇ ପାଣ୍ଡ୍ୟାଙ୍କୁ ଅଧିନାୟକ କରିବା ପ୍ରଶଂସକଙ୍କୁ ଯେତିକି ଆଶ୍ଚର୍ଯ୍ୟ କରିନଥିଲା, ଏହି ଖବର ବେଶୀ ଚକିତ କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ