ଟ୍ରମ୍ପଙ୍କ ସହ ଗଲ୍ଫ ଖେଳିଲେ ଧୋନୀ, ସୋସିଆଲ ମିଡିଆରେ ଭିଡିଓ ଭାଇରାଲ

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଗଲ୍ଫ ଖେଳିଲେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ । ଫଟୋ ସେୟାର କଲେ ହିତେଶ ସାଙ୍ଘୱି ନାମକ ଦୁବାଇର ବ୍ୟବସାୟୀ । ଅଧିକ ପଢ଼ନ୍ତୁ

ନୂଆଦିଲ୍ଲୀ: ଟ୍ରମ୍ପଙ୍କ ସହ ଗଲ୍ଫ ଖେଳିଲେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ । ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଧୋନୀ ଗଲ୍ଫ ଖେଳୁଥିବାର ଫଟୋ ଓ ଭିଡିଓ ସାମ୍ନାକୁ ଆସିଛି । ଯାହାକି ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ପ୍ରଶଂସକ ମଧ୍ୟ ଏହି ଫଟୋ ଓ ଭିଡିଓକୁ ବେଶ ପସନ୍ଦ କରୁଛନ୍ତି ଓ ସେୟାର ମଧ୍ୟ କରୁଛନ୍ତି । ତେବେ ଧୋନୀ ଏବଂ ଟ୍ରମ୍ପ୍‌ ଉଭୟ ନ୍ୟାସନାଲ ଗଲ୍ଫ କ୍ଲବ୍‌ରେ ଏକାଠି ଗଲ୍ଫ ଖେଳୁଥିବା ଦେଖିବାକୁ ମିଳିଛି ।

• MS Dhoni and former US President Donald Trump in a Golf Game.
  
  - MSD, an icon, a legend....!!!! pic.twitter.com/d9o1TfHmSX

  — Mufaddal Vohra (@mufaddal_vohra) September 8, 2023 " class="align-text-top noRightClick twitterSection" data="

  MS Dhoni and former US President Donald Trump in a Golf Game.
  
  - MSD, an icon, a legend....!!!! pic.twitter.com/d9o1TfHmSX

  — Mufaddal Vohra (@mufaddal_vohra) September 8, 2023

  ">

  MS Dhoni and former US President Donald Trump in a Golf Game.
  
  - MSD, an icon, a legend....!!!! pic.twitter.com/d9o1TfHmSX

  — Mufaddal Vohra (@mufaddal_vohra) September 8, 2023

ଜାରି ରହିଥିବା 'ୟୁଏସ୍‌ ଓପନ୍‌ ୨୦୨୩' କ୍ବାର୍ଟର ଫାଇନାଲ୍‌ ମ୍ୟାଚ୍‌ରେ ମୁହାଁମୁହିଁ ହୋଇଥିବା ଆଲେକ୍‌ଜେଣ୍ଡର୍‌ ବେରେବ୍‌ ଓ କାର୍ଲୋଜ୍‌ ଆଲ୍‌କାରାଜ୍‌ଙ୍କ ଖେଳ ଦେଖିବାର ଦିନକ ପରେ ଶୁକ୍ରବାର ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଗଲ୍ଫ ଖେଳୁଥିବା ଦେଖିବାକୁ ମିଳିଥିଲା । ହିତେଶ ସାଙ୍ଘୱି ନାମକ ଦୁବାଇର ଜଣେ ବ୍ୟବସାୟୀ ସାମାଜିକ ଗଣମାଧ୍ୟମରେ ଏହାର ସୂଚନା ଦେଇ ନିଜ ଇନ୍‌ଷ୍ଟା ହ୍ୟାଣ୍ଡେଲ୍‌ରେ ଏହାର ଫଟୋ ଓ ଭିଡିଓ ସେୟାର କରିଥିଲେ । ନିୟୁଜର୍ସିରେ ଥିବା 'ଟ୍ରମ୍ପ ନ୍ୟାସ୍‌ନାଲ୍‌ ଗଲ୍ଫ କ୍ଲବ୍‌ ବ୍ୟାଡ୍‌ମିନ୍‌ଷ୍ଟର୍‌'ରେ ଧୋନୀ ଟ୍ରମ୍ପ୍‌ଙ୍କ ସହିତ ଗଲ୍ଫ ଖେଳୁଥିବା ବେଳର ଫଟୋ ସେ ସେୟାର କରିଛନ୍ତି । ଏହାର କ୍ୟାପ୍ସନରେ ସେ ଲେଖିଛନ୍ତି, "ଆମକୁ ଆତିଥ୍ୟ ଦେଇଥିବାରୁ ଆପଣଙ୍କ ନିକଟରେ କୃତଜ୍ଞ ରାଷ୍ଟ୍ରପତି ମହୋଦୟ ।"

ଏହା ମଧ୍ୟ ପଢ଼ନ୍ତୁ...କ୍ରିକେଟ ପରେ ଏବେ ଟେନିସ୍ ଖେଳୁଛନ୍ତି କ୍ୟାପଟେନ୍ କୁଲ୍, ଷ୍ଟାଡିୟମରେ ପ୍ରଶଂସକଙ୍କ ଭିଡ

ତେବେ ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ ଏମ୍‌ଏସ୍‌ ଧୋନୀ ଓ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗଲ୍ଫ ଖେଳୁଥିବାର ଯେଉଁ ଭିଡିଓ ସାମାଜିକ ଗଣମାଧ୍ୟମରେ ଏବେ ଭାଇରାଲ ହେବାରେ ଲାଗିଛି, ସେଥିରେ ଦେଖାଯାଉଛି ଧୋନୀ ଗର୍ତ୍ତ ଆଡ଼କୁ ବଲ୍‌କୁ ଗଲ୍ଫ ଷ୍ଟିକ୍‌ ଯୋଗେ ମାରୁଥିବା ବେଳେ ଟ୍ରମ୍ପ୍‌ ପାଖରେ ଛିଡ଼ା ହୋଇ ଏହି ସଟ୍‌କୁ ଦେଖୁଛନ୍ତି । ପରେ ନିଜେ ଯାଇ ବଲକୁ ନିଜେ ଧରିଥିବା ଗଲ୍ଫ ଷ୍ଟିକ୍‌ରେ ପରଖୁଛନ୍ତି । ପରେ ଧୋନୀ ଓ ଟ୍ରମ୍ପ୍‌ଙ୍କ ସହିତ ଅନ୍ୟମାନେ ଫଟୋ ଉଠାଇବା ପାଇଁ ପୋଜ୍‌ ଦେଇଥିଲେ । ଉଲ୍ଲେଖଯୋଗ୍ୟ, ଧୋନୀ ଏବେ ଆମେରିକା ଭ୍ରମଣ କରୁଛନ୍ତି । ଏଠାରେ ଜାରି ରହିଥିବା ୟୁଏସ୍‌ ଓପନ୍‌ ୨୦୨୩ କ୍ବାର୍ଟର ଫାଇନାଲ୍‌ରେ ଆଲେକ୍‌ଜେଣ୍ଡର୍‌ ବେରେବ୍‌ ଓ କାର୍ଲୋଜ୍‌ ଆଲ୍‌କାରାଜ୍‌ଙ୍କ ମଧ୍ୟରେ ହୋଇଥିବା ମ୍ୟାଚ୍‌କୁ ଧୋନୀ ଉପଭୋଗ କରୁଥିବା ଦେଖିବାକୁ ମିଳିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ