ଚେନ୍ନାଇ: ଆଇପିଏଲର 14ତମ ସଂସ୍କରଣରେ ମୁମ୍ବାଇ ଇଣ୍ଡିଆନ୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ହେବ ଲଢ଼େଇ। ଚେନ୍ନାଇର ଏମ.ଏ ଚିଦାମ୍ବରମ ଷ୍ଟାଡିୟମରେ ଖେଳାଯିବ ଏହି ମ୍ୟାଚ । ଚଳିତ ସିଜିନର ଏହି ନବମ ମ୍ୟାଚରେ ବିଜୟରଥ ଆରମ୍ଭ କରିବାକୁ ଚେଷ୍ଟା କରିବ ସନରାଜଇର୍ସ ହାଇଦ୍ରାବାଦ। ସେପଟେ ଗତ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ପ୍ରତିପକ୍ଷ କୋଲକାତା ନାଇଟ ରାଇଡର୍ସଠାରୁ ବିଜୟ ଛଡ଼ାଇ ଆଣିଥିଲା। ଏଥିପାଇଁ ସନରାଇଜର୍ସ ହାଇଦ୍ରାବାଦକୁ ସତର୍କ ହେବାକୁ ପଡ଼ିବ।
ଡିଫେଣ୍ଡିଂ ଚମ୍ପିଆନ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ସମସ୍ତ କ୍ଷେତ୍ରରେ ଭଲ ପ୍ରଦର୍ଶନ କରିବାକୁ ଚାହିଁବ। ଏହି ମ୍ୟାଚରେ ହାଇଦ୍ରାବାଦର ଚୂଡ଼ାନ୍ତ ଏକାଦଶ ଉପରେ ସଭିଙ୍କ ନଜର ରହିବ। ଦଳରେ ନ୍ୟୁଜିଲାଣ୍ଡ କ୍ରିକେଟର କେନ ୱିଲିୟମସନ ସାମିଲ ହୋଇ ପାରନ୍ତି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ସନରାଇଜର୍ସ ହାଇଦ୍ରାବାଦ ଭଲ ବ୍ୟାଟିଂ ଆରମ୍ଭ କରିଥିଲେ ସୁଦ୍ଧା ଲୋୟର ଅର୍ଡର ବ୍ୟାଟ୍ସମ୍ୟାନ ଭଲ ପ୍ରଦର୍ଶନ କରି ପାରିନଥିଲେ। ଫଳରେ ବିଜୟୀ ହେବା ମ୍ୟାଚକୁ ହାତଛଡ଼ା କରିଥିଲା ଦଳ। ବୋଲିଂ ପାଇଁ ଭୁବନେଶ୍ବର କୁମାରଙ୍କ ଉପରେ ଆଶା ବାନ୍ଧିବ ଦଳ। ସେପଟେ ସନ୍ଦୀପ ଶର୍ମାଙ୍କୁ ଆଗୁଆ ବୋଲିଂ କରାଇପାରେ ଦଳ।
ସେପଟେ ମୁମ୍ବାଇ ବର୍ତ୍ତମାନ ଦୁଇଟି ମ୍ୟାଚ ଖେଳିଛି । ସେଥିମଧ୍ୟରେ ଗୋଟିଏ ମ୍ୟାଚରେ ଦଳ ପରାଜିତ ହୋଇଥିବା ବେଳେ ଗୋଟିଏ ମ୍ୟାଚରେ ବିଜୟୀ ହୋଇଛି ଦଳ। ତେବେ ଦୁଇଟି ମ୍ୟାଚରେ ଦଳର ବ୍ୟାଟିଂ ଫେଲ ମାରିଛି। ମୁମ୍ବାଇ ପାଖରେ ଆକ୍ରାମକ ବ୍ୟାଟସମ୍ୟାନ ରହିଥିଲେ ସୁଦ୍ଧା ସେମାନେ ବଡ଼ ସଟ ଖେଳିବାରେ ବିଫଳ ରହିଛନ୍ତି। ହାଇଦ୍ରାବାଦ ବିପକ୍ଷରେ ଦଳ ବ୍ୟାଟିଂ ସୁଧାରିବାକୁ ଚେଷ୍ଟା କରିବ। ସେପଟେ ବୋଲିଂ କଥା କହିଲେ, ମୁମ୍ବାଇର ଟ୍ରେଣ୍ଟ ବୋଲ୍ଟ ଭଲ ପ୍ରଦର୍ଶନ କରିଛନ୍ତି। ମୁମ୍ବାଇର ପିଚ ସ୍ପିନରଙ୍କୁ ସହାୟକ ହେଉଛି। ଏମିତିରେ ପ୍ରଥମ ବୋଲିଂ କରୁଥିବା ଦଳକୁ ଅଧିକ ଫାଇଦା ମିଳିବ। ଦେଖିବାକୁ ବାକି ରହିଲା ଆଜିର ମ୍ୟାରେ କିଏ ବାଜମାତ କରୁଛି।
ମୁମ୍ବାଇ ଇଣ୍ଡିଆନ୍ସ ଦଳ
