ଦୁବାଇ: ଆଇପିଏଲର ୪୦ତମ ମୁକାବିଲା ରାଜସ୍ଥାନ ରୟାଲ୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଜାରି ରହିଛି । ଟସ୍ ଜିତି ପ୍ରଥମ ବ୍ୟାଟିଂ ନିଷ୍ପତ୍ତି ନେଇଥିବା ରାଜସ୍ଥାନ ନିର୍ଦ୍ଧାରିତ ୨୦ ଓଭରରେ ୫ ୱିକେଟ ହରାଇ ୧୬୪ ରନ୍ ସଂଗ୍ରହ କରିଛି । ଫଳରେ ହାଇଦ୍ରାବାଦ ସାମ୍ନାରେ ୧୬୫ ରନ୍ର ବିଜୟ ଲକ୍ଷ୍ୟ ରହିଛି ।
ରାଜସ୍ଥାନ କ୍ୟାପଟେନ ସଞ୍ଜୁ ସାମସନ ୫୭ ବଲ୍ରୁ ୮୨ ରନ୍ର ମାରାଥନ ଇଂନିସ ଖେଳିଛନ୍ତି । ସାମସନଙ୍କ ଏହି ଇଂନିସରେ ୭ଟି ଚୌକା ଓ ୩ଟି ବିଶାଳ ଛକା ସାମିଲ ରହିଛି । ଅନ୍ୟ ରାଜସ୍ଥାନ ବ୍ୟାଟ୍ସମ୍ୟାନଙ୍କ ମଧ୍ୟରେ ଯୁବ ଓପନର ଜଶସ୍ବୀ ଜୟଶ୍ବାଲ ୨୩ ବଲ୍ରୁ ୨୩ ଓ ମହିପାଳ ଲୋମର ୨୯ ରନ୍ର ଉପଯୋଗୀ ଇଂନିସ ଖେଳିଛନ୍ତି । ତେବେ ଇଭିନ ଲିୱିସ, ଲିଆମ ଲିଭିଙ୍ଗଷ୍ଟୋନ ଓ ରିଆନ ପରାଗ ନିରାଶ କରିଥିଲେ ।