ମୋହାଲି: କୋଲକାତା ନାଇଟ ରାଇଡର୍ସ କିଙ୍ଗସ ଇଲେଭେନ ପଞ୍ଜାବକୁ 7 ୱିକେଟରେ ପରାସ୍ତ କରିଛି । ଫଳରେ ପଞ୍ଜାବର ପ୍ଲେ-ଅଫ ଆଶା ମଉଳି ଯାଇଛି ।
ପ୍ରଥମେ ବ୍ୟାଟିଂ କରି କିଙ୍ଗ୍ସ ଇଲେଭେନ ପଞ୍ଜାବ 183 ରନ କରିଥିଲା ।
କ୍ରିସ ଗେଲ୍ ପୁଣି ନିରାଶ କରିଥିଲେ । ରାହୁଲ ମାତ୍ର 2 ରନକରି ପାଭିଲିୟନ ଫେରିଥିଲେ । ମୟଙ୍କ ଅଗ୍ରୱାଲ ଧୈର୍ଯ୍ୟପୂର୍ଣ୍ଣ 26 ବଲରୁ 36 ରନ କରି ପଞ୍ଜାବ ପାରିକୁ ଆଗକୁ ନେଇଥିଲେ ।
କିନ୍ତୁ ପଞ୍ଜାବ ପକ୍ଷରୁ ହିରୋ ସାଜିଥିଲେ ସାମ କରନ ଓ ନିକୋଲାସ ପୋରନ । ପୋରନ 27 ବଲରୁ 3 ଚୈାକା ଓ 4ଛକା ସହାୟତାରେ 48 ରନ କରିଥିଲେ । ସାମ କରନ ଶେଷ ଯାଏଁ ରହି ଦଳର ସ୍କୋର 183 ରେ ପହଞ୍ଚାଇଥିଲେ । ସେ 24 ବଲରୁ ବିସ୍ପୋରକ 24 ବଲରୁ 55 ରନ କରିଥିଲେ । ଏଥିରେ 7ଟି ଚୌକା ଓ 2ଟି ଛକା ସାମିଲ ରହିଛି ।
ଜବାବରେ କୋଲକାତା ନାଇଟ ରାଇଜର୍ସ 184 ରନର ଲକ୍ଷ୍ୟକୁ ପିଛା କରିଥିଲା । ଓପନର କ୍ରିସ ଲିନ 22 ବଲରୁ 46ରନ କରି ଆଉଟ ହୋଇଥିଲେ । ରସେଲ ପୁଣି ଏକ ଦମଦାର ଇଂନିସ ଖେଳିଥିଲେ । ପୂର୍ବ ମ୍ୟାଚ ଯେଉଁଠି ଶେଷ କରିଥିଲେ, ଆଜି ସେହିଠାରୁ ଆରମ୍ଭ କରିଥିଲେ । ହେଲେ ରସେଲଙ୍କ 14 ବଲରେ 24 ରନର ପାରି କୋଲକାତା ବିଜୟ ପାଇଁ ଯଥେଷ୍ଟ ହୋଇନଥିଲା ।
ଯୁବ ଓପନର ଶୁଭମନ ଗିଲ ଆକର୍ଷଣୀୟ ଅର୍ଦ୍ଧଶତକୀୟ ଇଂନିସ ଖେଳିଥିଲେ । ସେ 49 ବଲରୁ 65 ରନର ମ୍ୟାଚ ବିଜୟୀ ପାଳି ଖେଳିଥିଲେ । ଏହି ପାରିରେ 5ଟି ଚୌକା ସହ 2ଟି ଛକା ସାମିଲ ରହିଛି । କ୍ୟାପଟେନ କାର୍ତ୍ତିକ ବିଜୟ ସଟ ଖେଳି ନାଇଟ ରାଇଡର୍ସକୁ ବିଜୟ ଦେଇଥିଲେ । ଫଳରେ ଦଳର ପ୍ଲେ-ଅଫକୁ ଯିବା ଆଶା ବଳବତ୍ତର ରହିଛି ।
