କୋଲକାତା: ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ଖେଳାଯାଉଛି ଟି-୨୦ ସିରିଜର ଦ୍ବିତୀୟ ମ୍ୟାଚ । ଏହି ମ୍ୟାଚ୍ରେ ପ୍ରଥମେ ଟସ ଜିତି ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ ଦେଇଥିଲା ଇଣ୍ଡିଜ । ଭାରତ ଜବରଦସ୍ତ ବ୍ୟାଟିଂ କରି ଇଣ୍ଡିଜକୁ ଏକ ବିଶାଳ ବିଜୟ ଲକ୍ଷ୍ୟ ଦେଇଛି । ଭାରତୀୟ ଦଳ ନିର୍ଦ୍ଧାରିତ ୨୦ ଓଭରରେ ୫ ୱିକେଟ ହରାଇ ୧୮୬ ରନ କରିଛି ।
ଭାରତକୁ ଏତେ ଭଲ ଆରମ୍ଭ ମିଳିନଥିଲା । ଓପନର ଇଶାନ କିଶନ ମାତ୍ର ୨ ରନ କରି ପାଭିଲିୟନ ଫେରିଥିଲେ । ଏହାପରେ ଅଧିନାୟକ ରୋହିତ ଶର୍ମା ଓ ବିରାଟ କୋହଲିଙ୍କ ମଧ୍ୟରେ ଏକ ଭଲ ଭାଗୀଦାରୀ ଦେଖିବାକୁ ମିଳିଥିଲା । ତେବେ ରୋହିତ ୧୯ ରନ୍ କରି ଆଉଟ ହୋଇଥିଲେ । ଏହାପରେ କୋହଲି ବଡ଼ ସଟ୍ ଖେଳି ଅର୍ଦ୍ଧ ଶତକ ହାସଲ କରିଥିଲେ । ସୂର୍ଯ୍ୟ କୁମାର ଯାଦବ ଆଜି ବ୍ୟାଟ୍ରେ ବେଶି କମାଲ କରିପାରିନାହାନ୍ତି ।
କୋହଲି ୧୪ତମ ଓଭରରେ ଆଉଟ ହେବାପରେ ଭେଙ୍କେଟସ ଆୟର ଓ ଋଷଭ ପନ୍ତଙ୍କ ମଧ୍ୟରେ ଅର୍ଦ୍ଧଶତକୀୟ ଭାଗୀଦାରୀ ଦେଖିବାକୁ ମିଳିଥିଲା । ଫଳରେ ଭାରତ ଇଣ୍ଡିଜ୍କୁ ୧୮୭ ରନ ବିଜୟ ଲକ୍ଷ୍ୟ ଦେବାରେ ସକ୍ଷମ ହୋଇଛି ।
ସେପଟେ ଇଣ୍ଡିଜର ବୋଲରଙ୍କ କଥା କହିଲେ ସ୍ପିନର ରୋଷ୍ଟନ ଚେଜ୍ ସବୁଠାରୁ କମ୍ ରନ୍ ଖର୍ଚ୍ଚ କରିବା ସହ ୩ଟି ୱିକେଟ ମଧ୍ୟ ହାସଲ କରିଛନ୍ତି । ଚେଜ୍ଙ୍କ ବୋଲିଂରେ ଭାରତୀୟ ବ୍ୟାଟର ସଂଘର୍ଶ କରୁଥିବା ନଜର ଆସିଥିଲା । ଅନ୍ୟମାନଙ୍କ ମଧ୍ୟରେ ରୋମାରିଓ ଶେଫର୍ଡ ଓ ସେଲଡନ୍ କର୍ଟେଲ ଗୋଟିଏ ଲେଖାଏଁ ୱିକେଟ ନେଇଛନ୍ତି । ତେବେ ଏହି ପିଚ୍ରେ ଇଣ୍ଡିଜ୍ ବ୍ୟାଟର କିଭଳି ବ୍ୟାଟିଂ କରିବେ ତାହାରି ରହିଛି ନଜର ।
ବ୍ୟୁରୋ ରିପୋର୍ଟ, ଇଟିଭି ଭାରତ
