ଟସ୍‌ ଜିତିଲା ଅଷ୍ଟ୍ରେଲିଆ, ପ୍ରଥମେ ବ୍ୟାଟିଂ କରିବ ଭାରତ

୫ମ ଟି୨୦ ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି ଅଷ୍ଟ୍ରେଲିଆ । ଶେଷ ମ୍ୟାଚ୍‌ରେ ଦୀପକ ଚହରଙ୍କ ସ୍ଥାନରେ ଭାରତୀୟ ଚୂଡ଼ାନ୍ତ ଏକାଦଶକୁ ଫେରିଛନ୍ତି ଅର୍ଶଦୀପ ସିଂହ । ଅଧିକ ପଢ଼ନ୍ତୁ

ବେଙ୍ଗାଲୁରୁ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆଜି ୫ମ ତଥା ଅନ୍ତିମ ଟି୨୦ ମ୍ୟାଚ୍‌ । ବେଙ୍ଗାଲୁରୁର ଏମ୍‌ ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯିବାକୁଥିବା ଏହି ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ ପାଇଁ ନିଷ୍ପତ୍ତି ନେଇଛି ଅଷ୍ଟ୍ରେଲିଆ । ଏହି ଶୃଙ୍ଖଳାକୁ ଭାରତ ନିଜ କବ୍‌ଜାରେ କରିସାରିଥିବାବେଳେ ଶେଷ ମ୍ୟାଚ୍‌ ଜିତି ଲଜ୍ୟା ରଖିବା ପାଇଁ ଚେଷ୍ଟା କରିବ ଅଷ୍ଟ୍ରେଲିଆ । ଏଥିପାଇଁ ସ୍ବତନ୍ତ୍ର ରଣନୀତି ସହ କ୍ରିସ୍‌ ଗ୍ରୀନ୍‌ଙ୍କ ସ୍ଥାନରେ ଦଳର ଚୂଡ଼ାନ୍ତ ଏକାଦଶକୁ ଫେରିଛନ୍ତି ନାଥନ ଏଲିସ୍‌ । ସେପଟେ କୌଣସି ଜରୁରୀ କାରଣ ପାଇଁ ଦୀପକ ଚହର ଘରକୁ ଫେରିଯାଇଥିବାରୁ ତାଙ୍କ ବଦଳରେ ଅର୍ଶଦୀପ ସିଂହ ଭାରତୀୟ ଚୂଡ଼ାନ୍ତ ଏକାଦଶକୁ ଫେରିଛନ୍ତି ।

• Here's #TeamIndia’s eleven for today 💪
  
  Follow the Match ▶️ https://t.co/CZtLulpqqM#INDvAUS | @IDFCFIRSTBank pic.twitter.com/1y6KWZwtO5

  — BCCI (@BCCI) December 3, 2023 " class="align-text-top noRightClick twitterSection" data="

  Here's #TeamIndia’s eleven for today 💪
  
  Follow the Match ▶️ https://t.co/CZtLulpqqM#INDvAUS | @IDFCFIRSTBank pic.twitter.com/1y6KWZwtO5

  — BCCI (@BCCI) December 3, 2023

  ">

  Here's #TeamIndia’s eleven for today 💪
  
  Follow the Match ▶️ https://t.co/CZtLulpqqM#INDvAUS | @IDFCFIRSTBank pic.twitter.com/1y6KWZwtO5

  — BCCI (@BCCI) December 3, 2023

ଦିନିକିଆ ବିଶ୍ବକପ୍‌ ଶେଷ ହେବାପରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ତୁରନ୍ତ ଆରମ୍ଭ ହୋଇଥିଲା ୫ ମ୍ୟାଚ୍‌ ବିଶିଷ୍ଟ ଟି୨୦ ଶୃଙ୍ଖଳା । ଏଥିପାଇଁ ଭାରତୀୟ ଦଳରେ ଅଧିକାଂଶ ବରିଷ୍ଠ ଖେଳାଳି ଅନୁପସ୍ଥିତ ଅଛନ୍ତି । ତେଣୁ ପ୍ରଥମ ଥର ପାଇଁ ଦଳର ନେତୃତ୍ବ ନେଉଛନ୍ତି ସୂର୍ଯ୍ୟକୁମାର ଯାଦବ । ସୂର୍ଯ୍ୟକୁମାରଙ୍କ ନେତୃତ୍ବରେ ପ୍ରଥମ ଦୁଇଟି ମ୍ୟାଚ୍‌ ଜିତି ଟିମ୍‌ ଇଣ୍ଡିଆ ଆରମ୍ଭରୁ ହିଁ ଅଷ୍ଟ୍ରେଲିଆ ଉପରେ ଚାପ ସୃଷ୍ଟି କରିଥିଲା । ଦଳକୁ ପୁରୁଣା ତଥା ଅଭିଜ୍ଞ ଖେଳାଳିଙ୍କୁ ଫେରାଇ ଆଣିବାକୁ ବାଧ୍ୟ ହୋଇଥିଲା ଅଷ୍ଟ୍ରେଲିଆ । ଶେଷରେ ମ୍ୟାକ୍ସୱେଲ୍‌ଙ୍କ ବିସ୍ଫୋରକ ଶତକ ବଳରେ ୩ୟ ମ୍ୟାଚ୍‌ ଜିତି ଶୃଙ୍ଖଳାରେ ଜୀବୀତ ରହିଥିଲା ଅଷ୍ଟ୍ରେଲିଆ । ହେଲେ ୪ର୍ଥ ମ୍ୟାଚ୍‌ରେ ଦମଦାର ବିଜୟ ସହିତ ଭାରତ ଶୃଙ୍ଖଳା କବ୍‌ଜା କରିନେଇଥିଲା । ଆଜି ୫ମ ମ୍ୟାଚ୍‌ ଜିତି ୨-୩ରେ ଶୃଙ୍ଖଳା ଶେଷ କରିବା ଲକ୍ଷ୍ୟରେ ରହିଛି କଙ୍ଗାରୁ ଦଳ । ସେପଟେ ଟିମ୍‌ ଇଣ୍ଡିଆ କିନ୍ତୁ ଛାଡ଼ିବା ମୁଡ୍‌ରେ ନାହିଁ । ଶୃଙ୍ଖଳା ଜିତି ବିଶ୍ବକପ୍‌ ପରାଜୟ ପ୍ରତିଶୋଧ ପୂରା କରିଥିଲେ ମଧ୍ୟ ଶେଷ ମ୍ୟାଚ୍‌ ଜିତିବାକୁ ପୂରା ଦମ୍‌ ଲଗାଇବ ସୂର୍ଯ୍ୟ ବାହିନୀ ।

ଭାରତୀୟ ଚୂଡ଼ାନ୍ତ ଏକାଦଶ: ଯଶସ୍ବୀ ଜୟସ୍ବାଲ, ଋତୁରାଜ ଗାଏକ୍‌ୱାଡ୍‌, ଶ୍ରେୟସ ଆୟର, ସୂର୍ଯ୍ୟକୁମାର ଯାଦବ, ରିଙ୍କୁ ସିଂହ, ଜିତେଶ ଶର୍ମା, ଅକ୍ଷର ପଟେଲ, ରବି ବିଷ୍ଣୋଇ, ଅଭେଶ ଖାନ, ମୁକେଶ କୁମାର, ଅର୍ଶଦୀପ ସିଂହ

ଅଷ୍ଟ୍ରେଲିଆ ଚୂଡ଼ାନ୍ତ ଏକାଦଶ: ଟ୍ରାଭିସ ହେଡ୍‌, ଜୋଶ ଫିଲିପ୍‌, ବେନ୍‌ ମ୍ୟାକ୍‌ଡର୍ମୋଟ୍‌, ଆରୋନ୍‌ ହାର୍ଡି, ଟିମ୍‌ ଡେଭିଡ୍‌, ମାଥ୍ୟୁ ଶର୍ଟ, ମାଥ୍ୟୁ ୱେଡ୍‌ (ଅଧିନାୟକ), ବେନ୍‌ ଡ୍ବାରିଶୁଇସ୍‌, ନାଥନ ଏଲିସ୍‌, ଜାଶନ ବେରେନ୍‌ଡ୍ରଫ୍‌, ତନବୀର ସାଙ୍ଘା

ବ୍ୟୁରୋ ରିପୋର୍ଟ, ଇଟିଭି ଭାରତ