ନୂଆଦିଲ୍ଲୀ: ଭାରତୀୟ ଯୁବ ବ୍ୟାଟର ଶୁଭମନ ଗିଲଙ୍କ ସଫଳତା । ସଦ୍ୟ ପ୍ରକାଶିତ ଆଇସିସି ପୁରୁଷ ଦିନିକିଆ ମାନ୍ୟତାରେ ଶୁଭମନ ଗିଲଙ୍କ ଉନ୍ନତୀ ହୋଇଛି । କ୍ୟାରିଅରର ଶ୍ରେଷ୍ଠ ଚତୁର୍ଥ ସ୍ଥାନକୁ ଉଠିଛନ୍ତି ଗିଲ । ଅନ୍ୟ ଭାରତୀୟ ବ୍ୟାଟରଙ୍କ ମଧ୍ୟରେ ବିରାଟ କୋହଲି ଷଷ୍ଠକୁ ଉଠିଥିବାବେଳେ ରୋହିତ ଶର୍ମା ଅଷ୍ଟମ ସ୍ଥାନ ଓ ବଜାୟ ରଖିଛନ୍ତି । ପାକିସ୍ତାନର ବାବର ଆଜମ ଶୀର୍ଷ ସ୍ଥାନରେ ରହିଛନ୍ତି ।
ଚଳିତ ବର୍ଷ 9ଟି ଦିନିକିଆରେ ଶୁଭମନ ଗିଲ 624 ରନ କରିଛନ୍ତି । ଆଭରେଜ 78 ରହିଛି । ଚଳିତ ବର୍ଷ ସେ 3ଟି ଶତ ଓ ଗୋଟିଏ ଅର୍ଦ୍ଧଶତକ ହାସଲ କରିଛନ୍ତି । ନ୍ୟୁଜିଲାଣ୍ଡ ବିପକ୍ଷରେ 208 ତାଙ୍କର ଶ୍ରେଷ୍ଠ ସ୍କୋର । ଅଷ୍ଟ୍ରେଲିଆ ବିପକ୍ଷ ଦିନିକିଆରେ ଶୁଭମନଙ୍କ ପ୍ରଦର୍ଶନ ଏତେ ଭଲ ନଥିଲା । 3ଟି ମ୍ୟାଚରେ ସେ ଯଥାକ୍ରମେ 20, ଶୂନ ଏବଂ 37 ରନ କରିଥିଲେ ।
ଚଳିତ ବର୍ଷ ଦିନିକିଆରେ ସେ ଦ୍ରୁତତମ ସ୍କୋରର ହୋଇଥିଲେ । ସେହିପରି ବିରାଟ କୋହଲି 9ଟି ଦିନିକିଆରେ 427 ରନ କରିଛନ୍ତି । ସେଥିରେ 2ଟି ଶତକ ଓ ଗୋଟିଏ ଅର୍ଦ୍ଧଶତକ ରହିଛି । 166 ତାଙ୍କର ଶ୍ରେଷ୍ଠ ସ୍କୋର ଥିବାବେଳେ ସେ ଦିନିକିଆରେ ଚତୁର୍ଥ ଦ୍ରୁତ ସ୍କୋରର । ସଦ୍ୟ ସମାପ୍ତ ଅଷ୍ଟ୍ରେଲିଆ ବିପକ୍ଷ ଦିନିକିଆରେ ସେ ଯଥାକ୍ରମେ 4, 31 ଓ 54 ରନ କରିଥିଲେ ।
ଏହା ବି ପଢନ୍ତୁ..TATA IPL 2023 PBKS vs RR: ପଞ୍ଜାବର ବିଜୟ ଧାରା ଜାରି, 5 ରନରେ ହାରିଲା ରାଜସ୍ଥାନ
