ନୂଆଦିଲ୍ଲୀ: ଭାରତ ଓ ଶ୍ରୀଲଙ୍କା ମଧ୍ୟରେ ଜାରି ରହିଥିବା ପ୍ରଥମ ଦିନିକିଆ ଯୁବ ସ୍ପିନର କୁଳଦୀପ ଯାଦବ ଭଲ ପ୍ରଦର୍ଶନ କରିଛନ୍ତି । ଏହାକୁ ନେଇ ଖୁସି ଜାହିର କରିଛନ୍ତି ପୂର୍ବତନ ଅଲରାଉଣ୍ଡର ଇରଫାନ ପଠାନ । କୁଳଦୀପ ଯାଦବ ୱିକେଟ ନେବା ଭାରତ ପାଇଁ ଶୁଭ ସଙ୍କେତ ବୋଲି ସେ କହିଛନ୍ତି ।
-
Happiness is seeing @imkuldeep18 getting wickets. #wickettaker
— Irfan Pathan (@IrfanPathan) July 18, 2021 " class="align-text-top noRightClick twitterSection" data="
">Happiness is seeing @imkuldeep18 getting wickets. #wickettaker
— Irfan Pathan (@IrfanPathan) July 18, 2021Happiness is seeing @imkuldeep18 getting wickets. #wickettaker
— Irfan Pathan (@IrfanPathan) July 18, 2021
ଶ୍ରୀଲଙ୍କା ବିପକ୍ଷରେ ପ୍ରଥମ ଦିନିକିଆରେ କୁଳଦୀପ ଯାଦବ ୯ ଓଭର ବୋଲିଂ କରି ୨ ଟି ୱିକେଟ ନେଇଛନ୍ତି । ତାହା ପୁଣି ସେ ଗୋଟିଏ ଓଭରରେ ହିଁ ଦୁଇଟି ୱିକେଟ ନେବାକୁ ସକ୍ଷମ ହୋଇଥିଲେ । ୧୭ତମ ଓଭରେ କୁଳଦୀପ ଯାଦବ ମିନୋଦ ଭାନୁକା ଓ ଭାନୁକା ରାଜପକ୍ଷଙ୍କୁ ପାଭେଲିୟନକୁ ପଠାଇ ଦେଇଥିଲେ । ଏହାଛଡ଼ା ସେ ମ୍ୟାଚରେ ଶ୍ରୀଲଙ୍କାର ବ୍ୟାଟସମ୍ୟାନଙ୍କୁ ବାନ୍ଧି ରଖିବାରେ ସକ୍ଷମ ହୋଇଥିଲେ ।
ଏହାକୁ ନେଇ ଇରଫାନ ପଠାନ ଟ୍ବିଟ୍ କରିଛନ୍ତି ଯେ, କୁଳଦୀପ ଯାଦବ ୱିକେଟ ନେଉଥିବା ଦେଖି ଖୁସି ଲାଗିଲା । ଗତ ଦୁଇ ବର୍ଷ ହେଲା କୁଳଦୀପ ଯାଦବଙ୍କ ପ୍ରଦର୍ଶନ ଏତେଟା ଭଲ ରହିନି । ଏଥିପାଇଁ ସେ ଜାତୀୟ ଦଳରେ ଖେଳିବାର ସୁଯୋଗ ପାଇଥିଲେ ସୁଦ୍ଧା ସେ ଲଗାତାର ଭଲ ପ୍ରଦର୍ଶନ କରିବାରେ ବିଫଳ ହୋଇଛନ୍ତି । ଫଳରେ ସେ ଜାତୀୟ ଦଳରେ ସ୍ଥାନ ପାଇବା ପାଇଁ ସଂଘର୍ଷ କରି ଆସୁଛନ୍ତି ।
ଶ୍ରୀଲଙ୍କା ବିପକ୍ଷରେ ପ୍ରଥମ ଦିନିକିଆରେ ୟୁଜିବେନ୍ଦ୍ର ଚହଲ ଓ କୁଳଦୀପ ଯାଦବ ଦମଦାର ପ୍ରଦର୍ଶନ କରିଛନ୍ତି । ୨୦୧୯ ପରେ ପ୍ରଥମ ଥର ପାଇଁ ଉଭୟ ସ୍ପିନର ଦଳରେ ସ୍ଥାନ ପାଇଛନ୍ତି । ସେହିଭଳି ଶ୍ରୀଲଙ୍କା ବିପକ୍ଷରେ ଇଶାନ କିଷନ ଓ ସୂର୍ଯ୍ୟକୁମାର ଯାଦବ ଦିନିକିଆ ଡେବ୍ୟୁ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
