ଋଷିକେଶ: ଭାରତୀୟ ଷ୍ଟାର କ୍ରିକେଟର ସୂର୍ଯ୍ୟକୁମାର ଯାଦବ । ତାଙ୍କ ପ୍ରଦର୍ଶନ ଓ ବ୍ୟାଟିଂ ଷ୍ଟାଇଲକୁ ନେଇ ସବୁବେଳେ ଚର୍ଚ୍ଚାରେ ରହିଆସିଛନ୍ତି । ପଡିଆର ସବୁ ଦିଗକୁ ସଟ୍ ମାରିବାରେ ମାହିର Sky । କେବଳ କ୍ରିକେଟ ପଡିଆରେ ନୁହଁ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ବେଶ୍ ସକ୍ରିୟ ରହିଥାନ୍ତି ଟିମ୍ ଇଣ୍ଡିଆର ଏହି ଷ୍ଟାର ବ୍ୟାଟର । Sky ଏବେ ପତ୍ନୀ ଦେବୀଶା ସେଟ୍ଟୀ ସହିତ ଉତ୍ତରାଖଣ୍ଡର ଋଷିକେଶରେ ଛୁଟି କାଟୁଛନ୍ତି । ଏନେଇ Skyଙ୍କ ଇନଷ୍ଟାଗ୍ରାମରେ ଫଟୋ ସେୟାର କରିଛନ୍ତି ଦେବୀଶା ।
ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ଦୃଶ୍ୟରେ ଭରପୁର ଉତ୍ତରଖଣ୍ଡର ଋଷିକେଶ । ଯିଏ ସେଠାକୁ ଯାଇଛି ପ୍ରକୃତିର ସୁନ୍ଦର ତୃପ୍ତିକୁ ଭରପୁର ଉପଭୋଗ କରିଛି । ପତ୍ନୀ ଦେବୀଶାଙ୍କ ସହିତ ସମୟ ଅତିବାହିତ କରିବା ପାଇଁ ଋଷିକେଶରେ ଛୁଟି କାଟୁଛନ୍ତି ସୂର୍ଯ୍ୟୁକୁମାର ଯାଦବ । ସୂର୍ଯ୍ୟକୁମାର ଯାଦବ ଓ ଦେବୀଶା ସେଟ୍ଟୀ ସେଠାରେ ବିତାଇ ଥିବା ମୁହୂର୍ତ୍ତର ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି । କୁହାଯାଉଛି କି ଉଭୟ ଋଷିକେଶରେ ବଦ୍ରିନାଥ ମାର୍ଗରେ ଏକ ପଞ୍ଚତାରକା ହୋଟେଲରେ ରହିଛନ୍ତି ।
ଟିମ୍ ଇଣ୍ଡିଆ ବାଂଲାଦେଶ ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ୍ ଖେଳୁଛି । ଭାରତର ବାଂଲାଦେଶ ଗସ୍ତ Skyଙ୍କୁ ଦଳ ତରଫରୁ ବିଶ୍ରାମ ଦିଆଯାଇଛି । ସେ ଏକ ସାକ୍ଷାତକାରରେ କହିଥିଲେ ସେ ସମୟ ପାଇଲେ ତାଙ୍କ ପତ୍ନୀଙ୍କ ସହିତ ସମୟ ଅତିବାହିତ କରିବାକୁ ଭଲ ପାଆନ୍ତି । ତେଣୁ ସେ ଛୁଟିରେ ନିଜ ପତ୍ନୀ ଦେବୀଶା ସେଟ୍ଟୀଙ୍କ ସହିତ ଉତ୍ତରାଖଣ୍ଡ ଯାତ୍ରା କରିଛନ୍ତି । ସେ ଯେଉଁ ହୋଟେଲରେ ରହିଛନ୍ତି ତାଙ୍କୁ ଦେଖିବା ପାଇଁ ତାଙ୍କ ପ୍ରଶଂସକମାନେ ହୋଟେଲ ପାଖରେ ଚକ୍କର କାଟୁଥିବାର ନଜର ଆସିଛି ।
