ବେଙ୍ଗାଲୁରୁ: ଜାରି ରହିଥିବା ବିଶ୍ବକପ୍ ୨୦୨୩ରେ ନ୍ୟୁଜିଲାଣ୍ଡ ଅଲରାଉଣ୍ଡର ରଚିନ ରବୀନ୍ଦ୍ରଙ୍କ ଦମ୍ଦାର ପ୍ରଦର୍ଶନ ଜାରି ରହିଛି । ବେଙ୍ଗାଲୁରୁର ଏମ୍ ଚିନ୍ନାସ୍ବାମୀ ଷ୍ଟାଡିୟମରେ ଆଜି (ଶୁକ୍ରବାର) ପାକିସ୍ତାନ ବିପକ୍ଷ ମ୍ୟାଚ୍ରେ ବିସ୍ଫୋରକ ଶତକ ହାସଲ କରିଥିଲେ ରଚିନ । ସେ ୯୪ ବଲ୍ ଖେଳି ୧୫ ଚୌକା ଓ ଗୋଟିଏ ଛକା ବଳରେ ୧୦୮ ରନ୍ର ଦମଦାର ପାଳି ଖେଳିଥିଲେ । ଚଳିତ ବିଶ୍ବକପ୍ରେ ଏହା ତାଙ୍କର ତୃତୀୟ ଶତକ ଥିଲା । ଏହି ଶତକ ସହ ରଚିନ ତାଙ୍କର ଆଦର୍ଶ ସଚିନ ତେନ୍ଦୁଲକରଙ୍କ ୨୭ ବର୍ଷର ଏକ ରେକର୍ଡକୁ ପଛରେ ପକାଇଛନ୍ତି ।
- " class="align-text-top noRightClick twitterSection" data="">
ସଚିନଙ୍କ ରେକର୍ଡ ଭାଙ୍ଗିଲେ ରଚିନ: ୨୫ ବର୍ଷ ବୟସରେ ପଦାର୍ପଣ କରିବା ପୂର୍ବରୁ ବିଶ୍ବକପ୍ରେ ୩ଟି ଶତକ ହାସଲ କରି ସଚିନଙ୍କ ରେକର୍ଡ ଭାଙ୍ଗିଛନ୍ତି ରଚିନ । ଏବେ ତାଙ୍କୁ ୨୩ ବର୍ଷ ବୟସ ହୋଇଛି । ଏହା ପୂର୍ବରୁ ୧୯୯୬ ବିଶ୍ବକପ୍ରେ ସଚିନ ତେନ୍ଦୁଲକର ୨ଟି ଶତକ ହାସଲ କରିଥିଲେ । ୨୫ ବର୍ଷରେ ପଦାର୍ପଣ କରିବା ପୂର୍ବରୁ କୌଣସି କ୍ରିକେଟର ବିଶ୍ବକପ୍ରେ ୨ଟି ଶତକ ହାସଲ କରିବା ଏପର୍ଯ୍ୟନ୍ତ ବିଶ୍ବକପ୍ ଇତିହାସରେ ରେକର୍ଡ ହୋଇରହିଥିଲା । ଏହି ବିଶ୍ବକପ୍ରେ କେନିୟା ଓ ଶ୍ରୀଲଙ୍କା ବିପକ୍ଷରେ ଯଥାକ୍ରମେ ୧୨୭ ଓ ୧୩୭ ରନ୍ କରିଥିଲେ ସଚିନ । ହେଲେ ୨୫ ବର୍ଷରୁ କମ ବର୍ଷ ବୟସରେ ୩ଟି ଶତକ ହାସଲ କରି ନିଜର ଆଦର୍ଶ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି ରଚିନ ରବୀନ୍ଦ୍ର ।