କୋଲକାତା: ବ୍ୟାଟରଙ୍କ ବିଫଳତା ପରେ ପାକିସ୍ତାନ ପାଇଁ ବ୍ୟାଟିଂ କରି ଲଢ଼ିଲେ ବୋଲର । କ୍ରମାଗତ ଶୋଚନୀୟ ପ୍ରଦର୍ଶନ ସହ ବିଶ୍ବକପ୍ରୁ ବିଦା ହେଲା ପାକିସ୍ତାନ । କୋଲକାତାର ଇଡେନ୍ ଗାର୍ଡେନ୍ସରେ ଇଂଲଣ୍ଡ ଓ ପାକିସ୍ତାନ ମଧ୍ୟରେ ଖେଳାଯାଇଥିବା ଲିଗ୍ ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଇଂଲଣ୍ଡ ନିର୍ଦ୍ଧାରିତ ୫୦ ଓଭରରେ ୯ ୱିକେଟ୍ ହରାଇ ୩୩୭ ରନର ବିଶାଳ ସ୍କୋର କରିବା ସହ ପାକିସ୍ତାନକୁ ସେମି ଦୌଡ଼ରୁ ଏକ ପ୍ରକାର ବାଦ ଦେଇଥିଲା । ଜବାବରେ ପାକିସ୍ତାନ ବ୍ୟାଟରମାନେ ଅତି ଶୋଚନୀୟ ପ୍ରଦର୍ଶନ କରିଥିଲେ । ଫଳରେ ୨୪୪ ରନରେ ସମସ୍ତ ୱିକେଟ୍ ହରାଇଛି ପାକିସ୍ତାନ । ସେପଟେ ୯୩ ରନରେ ଜିତି ଚମ୍ପିଆନ୍ସ ଟ୍ରଫି ପାଇଁ ସ୍ଥାନ ସୁରକ୍ଷିତ କରିବା ସହ ବିଶ୍ବକପ୍ ୨୦୨୩ ଅଭିଯାନ ଶେଷ କରିଛି ଡେଫେଣ୍ଡିଂ ଚମ୍ପିଆନ୍ ଇଂଲଣ୍ଡ ।
-
David Willey won the @aramco #POTM in his last England appearance 🎉#CWC23 | #ENGvPAK pic.twitter.com/bNQ8Nne3Rr
— ICC (@ICC) November 11, 2023 " class="align-text-top noRightClick twitterSection" data="
">David Willey won the @aramco #POTM in his last England appearance 🎉#CWC23 | #ENGvPAK pic.twitter.com/bNQ8Nne3Rr
— ICC (@ICC) November 11, 2023David Willey won the @aramco #POTM in his last England appearance 🎉#CWC23 | #ENGvPAK pic.twitter.com/bNQ8Nne3Rr
— ICC (@ICC) November 11, 2023
ଇଂଲଣ୍ଡ ବ୍ୟାଟିଂ: ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିବା ଇଂଲଣ୍ଡକୁ ଦୁଇ ଓପନର ଜନି ବେୟାର୍ଷ୍ଟୋ ଓ ଡାୱିଡ୍ ମଲାନ ଭଲ ଆରମ୍ଭ ଦେଇଥିଲେ । ମଲାନ ୩୧ ରନ କରିଥିବାବେଳେ ବେୟାରଷ୍ଟୋ ୫୯ ରନ୍ କରି ଆଉଟ୍ ହୋଇଥିଲେ । ଦୁଇ ଓପନର ଆଉଟ୍ ହେବା ପରେ ଜୋ ରୁଟ୍ ଓ ବେନ୍ ଷ୍ଟୋକ୍ସ ଏକ ଦୃଢ଼ ଭାଗିଦାରୀ କରି ସ୍କୋରବୋର୍ଡକୁ ଦ୍ରୁତ ଗତିରେ ଆଗେଇ ନେଇଥିଲେ । ରୁଟ୍ ୬୦ ଓ ଷ୍ଟୋକ୍ସ ୮୪ ରନ କରିଥିଲେ । ସେହିପରି ଅଧିନାୟକ ବଟଲର ୨୭ ରନ ଓ ହ୍ୟାରୀ ବ୍ରୁକ୍ସ ୩୦ ରନ କରିଥିଲେ । ଫଳରେ ଇଂଲଣ୍ଡ ୫୦ ଓଭରରେ ୯ ୱିକେଟ୍ ହରାଇ ୩୩୭ ରନ୍ କରିଥିଲା ।
-
England had something to cheer about at the end of their disappointing #CWC23 campaign 👌#ENGvPAK pic.twitter.com/S0usn40U2F
— ICC (@ICC) November 11, 2023 " class="align-text-top noRightClick twitterSection" data="
">England had something to cheer about at the end of their disappointing #CWC23 campaign 👌#ENGvPAK pic.twitter.com/S0usn40U2F
— ICC (@ICC) November 11, 2023England had something to cheer about at the end of their disappointing #CWC23 campaign 👌#ENGvPAK pic.twitter.com/S0usn40U2F
— ICC (@ICC) November 11, 2023
ପାକିସ୍ତାନ ବୋଲିଂ: ପାକିସ୍ତାନ ପକ୍ଷରୁ ହାରିସ୍ ରୌଫ ସର୍ବାଧିକ ୩ଟି ୱିକେଟ ନେଇଥିଲେ । ସେ ୧୦ ଓଭରରୁ ୬୪ ରନ ବ୍ୟୟ କରିବା ସହ ଗୋଟିଏ ସଂସ୍କରଣରେ ସର୍ବାଧିକ ରନ ବ୍ୟୟକାରୀ ବୋଲର (୫୨୭) ହେବାର ଲଜ୍ଜାଜନକ ରେକର୍ଡ ନିଜ ନାମରେ କରିଥିଲେ । ଶାହୀନ ଆଫ୍ରିଦି ଓ ମହମ୍ମଦ ୱାସିମ୍ (ଜୁନିୟର) ୨ଟି ଲେଖାଏଁ ୱିକେଟ ଅକ୍ତିଆର କରିଥିବାବେଳେ ଇଫ୍ତିଖାର ଅହମ୍ମଦଙ୍କୁ ଗୋଟିଏ ସଫଳତା ମିଳିଥିଲା ।
- " class="align-text-top noRightClick twitterSection" data="">
ପାକିସ୍ତାନ ବ୍ୟାଟିଂ: ବିଶ୍ବକପ୍ ୨୦୨୩ ସେମିଫାଇନାଲ୍ରେ ପହଞ୍ଚିବା ପାଇଁ ପାକିସ୍ତାନ ଆଗରେ ଏକ ଅସମ୍ଭବ ଟାର୍ଗେଟ୍ ରହିଥିଲା । ୩୩୮ ରନ୍କୁ କେବଳ ୬.୨ ଓଭରରେ ହାସଲ କରିବାକୁ ଲକ୍ଷ୍ୟ ଥିଲା । ହେଲେ ଆରମ୍ଭରୁ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଅବ୍ଦୁଲ୍ଲା ଶଫିକ୍ ଖାତା ଖୋଲିବା ଆଗରୁ ଆଉଟ୍ ହୋଇଥିବାବେଳେ ଦଳ ସର୍ବାଧିକ ନିର୍ଭର କରିଥିବା ଫଖର ଜମାନ ୧ ରନ କରି ପାଭିଲିୟନ ଫେରିଥିଲେ । କୌଣସି ଶୀର୍ଷକ୍ରମ ବ୍ୟାଟର ଅର୍ଦ୍ଧଶତକ ହାସଲ କରିବାରେ ବିଫଳ ହେବାପରେ ବ୍ୟାଟିଂ ଅଲରାଉଣ୍ଡର ଆଘା ସଲ୍ମାନ୍ ୪୫ ବଲରୁ ୫୧ ରନର ପାଳି ଖେଳି ଆଉଟ୍ ହୋଇଥିଲେ । ଶେଷ ବେଳକୁ ହାରିସ୍ ରୌଫ୍ ୩୫ ରନର ଧୂଆଁଧାର ପାଳି ଖେଳି ଦଳୀୟ ସ୍କୋରକୁ ୨୪୪ ରନରେ ପହଞ୍ଚାଇଥିଲେ । ଏତିକିରେ ହିଁ ଅଲ୍ଆଉଟ୍ ହେବା ସହିତ ବିଶ୍ବକପ୍ ଅଭିଯାନ ଶେଷ କରିଛି ପାକିସ୍ତାନ ।
ଇଂଲଣ୍ଡ ବୋଲିଂ: ଇଂଲଣ୍ଡ ପାଇଁ ବିଶ୍ବକପ୍ ୨୦୨୩ର ଶେଷ ମ୍ୟାଚ୍ରେ ଦଳ ପକ୍ଷରୁ ବେଶ ଶୃଙ୍ଖଳିତ ବୋଲିଂ ପ୍ରଦର୍ଶନ ଦେଖିବାକୁ ମିଳିଥିଲା । ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳୁଥିବା ଡେଭିଡ୍ ୱିଲି ୧୦ ଓଭରରୁ ୫୬ ରନ ବ୍ୟୟରେ ସର୍ବାଧିକ ୩ଟି ୱିକେଟ୍ ଅକ୍ତିଆର କରିଥିଲେ । ଆଦିଲ ରଶିଦ୍, ଗସ୍ ଆଟ୍କିନସନ୍ ଓ ମୋଇନ ଅଲ୍ଲୀ ୨ଟି ଲେଖାଏଁ ୱିକେଟ୍ ନେଇଥିଲେ । କ୍ରିସ୍ ୱକ୍ସଙ୍କୁ ଗୋଟିଏ ସଫଳତା ମିଳିଥିଲା । ଏହି ବିଜୟ ସହିତ ଚମ୍ପିଆନ୍ସ ଟ୍ରଫିରେ ସ୍ଥାନ ସୁରକ୍ଷିତ କରିବାରେ ସଫଳ ହୋଇଛି ଇଂଲଣ୍ଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
