ସାଉଥହମ୍ପଟନ: ବିଶ୍ବକପରେ ଭାରତର ବିଜୟ ଯାତ୍ରା ଯେତିକି ଚର୍ଚ୍ଚାରେ, ତାଠୁ ଅଧିକ ଚର୍ଚ୍ଚାରେ ଟିମ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି । ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ ଧୋନିଙ୍କ କିପିଂ ଗ୍ଲୋବ୍ସରେ ଭାରତୀୟ ସେନାର ପାରା ସ୍ପେଶାଲ ଫୋର୍ସର ବଳିଦାନ ବ୍ୟାଚ ଚିହ୍ନ ରହିଥିଲା । ଏହି ଫଟୋ ଏବେ ଭାଇରାଲ ହୋଇଛି ।
ଦକ୍ଷିଣ ଆଫ୍ରିକା ବିପକ୍ଷରେ ଚଳିତ ବିଶ୍ବକପ ଅଭିଯାନ ଆରମ୍ଭ କରିଛି ଟିମ ଇଣ୍ଡିଆ । ଦମଦାର ପ୍ରଦର୍ଶନ କରି 6 ୱିକେଟରେ ଦକ୍ଷିଣ ଆଫ୍ରିକାକୁ ମାତ ଦେଇଛି ଭାରତ ।
ଏକ ଫଟୋରେ ଧୋନୀଙ୍କ କିପିଂ ଗ୍ଲୋବ୍ସରେ ଭାରତୀୟ ସେନାର ପାରା ସ୍ପେଶାଲ ଫୋର୍ସର ବଳିଦାନ ବ୍ୟାଚ ସଂକେତ ରହିଥିଲା । ଧୋନିଙ୍କର ଏହି ଦେଶପ୍ରମ ଏବେ ଖୁବ ଚର୍ଚ୍ଚାରେ । ପୂର୍ବରୁ ଅନେକ ଥର ଧୋନି ଦେଶପ୍ରେମ ପ୍ରଦର୍ଶନ କରିଛନ୍ତି । ପୁଲୱାମା ଆତଙ୍କବାଦୀ ଆକ୍ରମଣରେ ଶହୀଦ ଯବାନଙ୍କ ସମ୍ମାନ ଉଦ୍ଦେଶ୍ୟରେ ଆର୍ମି କ୍ୟାପ ପିନ୍ଧି ଟିମ ଇଣ୍ଡିଆ ପୂର୍ବରୁ ମ୍ୟାଚ ଖେଳିଥିଲା ।
ଧୋନିଙ୍କ ଏହି କାର୍ଯ୍ୟକୁ ସମସ୍ତେ ପ୍ରଶଂସା କରିବାରେ ଲାଗିଛନ୍ତି । ଧୋନିଙ୍କ କେତେକ ଫ୍ୟାନ୍ସ ଏଥିପାଇଁ ଧୋନି ମହାନ ବୋଲି କହିଛନ୍ତି । ଭାରତୀୟ ଦଳ 2011 ବିଶ୍ବକପ ଧୋନିଙ୍କ ଅଧିନାୟତ୍ବରେ ଜିତିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
