ମାଞ୍ଚେଷ୍ଟର: ଭାରତ-ନ୍ୟୁଜିଲାଣ୍ଡ ମ୍ୟାଚରେ ପୁଣି ବର୍ଷା ସାଜିଛି ବାଧକ । ଲିଗ୍ ମ୍ୟାଚ ପରେ ପୁଣି ଥରେ ସେମିଫାଇନାଲରେ ଏହି ଦୁଇ ଦଳ ମଝିରେ ଆସିଛି ବର୍ଷା । ତେବେ ସେମିଫାଇନାଲ ପାଇଁ ରିଜର୍ଭ ଡେ' ର ନିୟମ ଥିବାରୁ ପୁଣି ଆସନ୍ତାକାଲି ଅର୍ଥାତ ବୁଧବାର ଖେଳାଯିବ ଏହି ମ୍ୟାଚ । ନିୟମ ଅନୁସାରେ ବନ୍ଦ ରହିଥିବା ନ୍ୟୁଜିଲାଣ୍ଡ ପାଳିର 46.1 ଓଭରରୁ ଆସନ୍ତାକାଲି ଆରମ୍ଭ ହେବ ମ୍ୟାଚ ।
ତେବେ ବୁଧବାର ନ୍ୟୁଜିଲାଣ୍ଡ ବଳକା 23ଟି ବଲ ଖେଳିବା ପରେ ଭାରତକୁ ୱ୍ବିିନିଂ ଟାର୍ଗେଟ ଦେବ । ବର୍ଷା ପୂର୍ବରୁ 46.1 ଓଭରରେ 5 ୱିକେଟ ହରାଇ 211ରନ କରିଥିଲା ନ୍ୟୁଜିଲାଣ୍ଡ । ରସ୍ ଟେଲର(67) ଓ ଟମ ଲାଥମ(3) କ୍ରିଜରେ ଅପରାଜିତ ରହିଛନ୍ତି । ତେବେ ଟଳି ପଡିଥିବା ନ୍ୟୁଜିଲାଣ୍ଡର ବ୍ୟାଟିଂ ଲାଇନ ଅର୍ଡରକୁ ସମ୍ଭାଳିଛନ୍ତି ଅଭିଜ୍ଞ ରସ୍ ଟେଲର । ଭାରତ ପକ୍ଷରୁ ବୁମରା, ଜାଡେଜା ଓ ଚହଳ, ପାଣ୍ଡ୍ୟା ଓ ଭୁବି ଗୋଟିଏ ଲେଖାଏଁ ୱିକେଟ ନେଇଛନ୍ତି ।
