ସାଉଥମ୍ପଷ୍ଟନ: ବିଶ୍ବକପରେ ଆଜି ଘରୋଇ ଇଂଲଣ୍ଡ ଓ ୱେଷ୍ଟଇଣ୍ଡିଜ ମଧ୍ୟରେ ମୁକାବଲା ହେଉଛି ।
ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ 212ରେ ଅଲଆଉଟ ହୋଇଯାଇଛି । ସଂପୂର୍ଣ୍ଣ 50 ଓଭର ଖେଳି ପାରିନଥିଲା ୱେଷ୍ଟଇଣ୍ଡିଜ ଦଳ । 44.4 ଓଭରରେ ଇଂଲଣ୍ଡ ବୋଲରଙ୍କୁ ସାମ୍ନା କରିନପାରି ଅଲଆଉଟ ହୋଇଯାଇଥିଲା ।
ୱେଷ୍ଟଇଣ୍ଡିଜ ପକ୍ଷରୁ ନିକୋଲାସ ପୁରୋନ ସର୍ବାଧିକ 63ରନ କରିଛନ୍ତି । କ୍ରିସ ଗେଲ 36, ସିମ୍ରନ ହେଟମେୟର 39ରନ ପାଳି ଖେଳିଥିଲେ । ୱେଷ୍ଟଇଣ୍ଡିଜର 5ଜଣ ବ୍ୟାଟ୍ସ ମ୍ୟାନ 2ଅଙ୍କ ଛୁଇଁ ପାରିନଥିଲେ । ଇଂଲଣ୍ଡ ପକ୍ଷରୁ ଜୋଫ୍ରା ଆର୍ଚର 2ଟି ବଲରେ 2ଟି ୱିକେଟ ନେଇ ହାଟ୍ରିକ ସୁଯୋଗ ସୃଷ୍ଟି କରିଥିଲେ ।
ଇଂଲଣ୍ଡ ପକ୍ଷରୁ ମାର୍କ ଉଡ 3ଟି, ଜୋଫ୍ରା ଆର୍ଚର 3ଟି, ଜୋ ରୁଟ 2ଟି, କ୍ରିସ ୱକ୍ସ ଓ ପ୍ଲଙ୍କେଟ ଗୋଟିଏ ୱିକେଟ ଅକ୍ତିଆର କରିଛନ୍ତି ।
