ଲଣ୍ଡନ: ଶ୍ରୀଲଙ୍କାର ଭେଟେରାନ ପେସ ବୋଲର ଲସିଥ ମଲିଙ୍ଗା ନିଜକୁ ପୁଣିଥରେ ବିଶ୍ବକପରେ ହିରୋ ପ୍ରମାଣିତ କରିଛନ୍ତି । ଇଂଲଣ୍ଡ ବିପକ୍ଷରେ ଦମଦାର ବୋଲିଂ କରି ନିଜ କ୍ରିକେଟ କ୍ୟାରିୟରରେ ଆଉ ଏକ ସଫଳତାର ଫର୍ଦ୍ଦ ଯୋଡିଛନ୍ତି । ଇଂଲଣ୍ଡ ବିପକ୍ଷ ମ୍ୟାଚରେ ଶ୍ରୀଲଙ୍କା ମାତ୍ର 232 ରନ କରିଥିଲା । ଦୁର୍ଦ୍ଦଶ ଇଂଲିଶ ବ୍ୟାଟିଂ ଲାଇନ ଅଫ ସାମ୍ନାରେ ବୋଲରଙ୍କ ନିଶ୍ଚିନ୍ତ କରିସ୍ମାକୁ ଅପେକ୍ଷା କରିଥିଲେ ଶ୍ରୀଲଙ୍କା ।
ନିଜ ଦଳର ଆଶାକୁ ପୂରଣ କରିଥିଲେ କ୍ରିକେଟ ଜୀବନର ଶେଷ ବିଶ୍ବକପ ଖେଳୁଥିବା ମଲିଙ୍ଗା । ତାଙ୍କ ବୋଲିଂରେ ଦେଖିବାକୁ ମିଳିଥିଲା ପୁଣି ସେହି ପେସର ଧାର । ବାଉନ୍ସର ସାଙ୍ଗକୁ ଫଟାଫଟ ୟର୍କର ।
ମଲିଙ୍ଗା 10 ଓଭର ବୋଲିଂ କରି 4ଟି ୱିକେଟ ନେଇଥିଲେ । ଫଳରେ ଶ୍ରୀଲଙ୍କା 20 ରନ ବାକି ଥାଇ ଇଂଲଣ୍ଡକୁ ଅଲଆଉଟ କରିଦେଇଥିଲା । ତେବେ ମାଲିଙ୍ଗା କ୍ରିକେଟ ବିଶ୍ବକପରେ 50 ୱିକେଟ ନେବାରେ 4ର୍ଥ ବୋଲର ହୋଇଛନ୍ତି ।
