ହାଇଦ୍ରାବାଦ: ଭାରତୀୟ କ୍ରିକେଟ ଟିମ ଏବେ ବିଶ୍ବକପ୍ ପାଇଁ ଇଂଲଣ୍ଡ ଗସ୍ତରେ । 5 ଜୁନରୁ ଦକ୍ଷିଣ ଆଫ୍ରିକା ବିପକ୍ଷରେ ଆରମ୍ଭ କରିବ ଏହାର ବିଶ୍ବକପ ଅଭିଯାନ । ତେବେ ଏଥିପାଇଁ ଏବେ ସବୁଆଡୁ ଭାରତୀୟ କ୍ରିକେଟ ଦଳ ପାଇଁ ଛୁଟୁଛି ଶୁଭେଚ୍ଛାର ସୁଅ । ଫିଲ୍ମ ଷ୍ଟାରଙ୍କ ଠାରୁ ଆରମ୍ଭ ଅନ୍ୟ ଖେଳର ଖେଳାଳି ମାନେ ଶୁଭେଚ୍ଛା ଜଣାଇଛନ୍ତି ଟିମ ଇଣ୍ଡିଆକୁ । ଏତିକି ବେଳେ ଜର୍ମାନ ଫୁଟବଲ ଟିମର ଫରୱାର୍ଡ ତଥା ଷ୍ଟାର ଖେଳାଳି ଥୋମାସ ମୁଲର ମଧ୍ୟ ଜଣାଇଛନ୍ତି ଭାରତୀୟ ଖେଳାଳି ।
ମୁଲର ଭାରତୀୟ କ୍ରିକେଟ ଟିମର ଜର୍ସି ପିନ୍ଧି ଗୋଟିଏ ହାତରେ ବ୍ୟାଟ ଧରି ବିଶ୍ବକପ ଖେଳୁଥିବା ସମସ୍ତ ଟିମକୁ ଶୁଭେଚ୍ଛା ଜଣାଇଛନ୍ତି । ସେ ଏହି ଫଟୋ ଟ୍ବିଟ କରି ଲେଖିଛନ୍ତି ଖାସ କରି ଭାରତୀୟ ଅଧିନାୟକ ବିରାଟ କୋହଲିଙ୍କ ପାଇଁ ମୋର ଶୁଭେଚ୍ଛା । କୋହଲି ଆମ ଫୁଟବଲ ଟିମର ଜଣେ ଫ୍ୟାନ ଓ ପୂର୍ବରୁ ଅନେକ ଥର ଆମ ଟିମକୁ ସମର୍ଥନ କରିଛନ୍ତି ।
