ହାଇଦ୍ରାବାଦ: ଅତ୍ୟାଧିକ ରାଜନୈତିକ ହସ୍ତକ୍ଷେପ ପାଇଁ ଆଇସିସି ଜିମ୍ବାୱେ କ୍ରିକେଟକୁ ବାସନ୍ଦାଦେଶ ଶୁଣାଇଛି । ଆଇସିସି ସମ୍ବିଧାନର ଧାରା 2.4(ସି) ଓ (ଡି) ଅନୁଯାୟୀ ଆଇସିସି ଜିମ୍ବାୱେ କ୍ରିକେଟକୁ ଏହି ଦଣ୍ଡ ଦେଇଛି । ଏହି ନିଷ୍ପତ୍ତି ପରେ ଭାରତ-ଜିମ୍ବାୱେ ଟି-20 ସିରିଜ ଅନିଶ୍ଚିତତା ଭିତରକୁ ଠେଲି ହୋଇଯାଇଛି ।
ଭାରତୀୟ ଦଳ ଅଗଷ୍ଟରେ ୱେଷ୍ଟଇଣ୍ଡିଜ ଗସ୍ତରେ ଯିବ । ଏହାପରେ ଭାରତୀୟ ଦଳର ଘରୋଇ ସିଜିନ ଆରମ୍ଭ ହେବ । ପ୍ରାୟ 5ଟି ଦଳ ଭାରତ ଗସ୍ତରେ ଆସିବାର କାର୍ଯ୍ଯସୂଚୀ ରହିଛି । ସେଥିରେ ଜିମ୍ବାୱେ ମଧ୍ୟ ସାମିଲ ରହିଛି । 2020 ଜାନୁଆରୀରେ ଭାରତ-ଜିମ୍ବାୱେ ଟି-20 ସିରିଜର 3ଟି ମ୍ୟାଚ ଖେଳାଯିବା ପାଇଁ ବିସିସିଆଇ ପକ୍ଷରୁ ପୂର୍ବରୁ କାର୍ଯ୍ଯସୂଚୀ ପ୍ରକାଶ ପାଇଥିଲା ।
ତେବେ କ୍ରିକେଟ ଜିମ୍ବାୱେ ଆଇସିସିର ପରବର୍ତ୍ତୀ ନିର୍ଦ୍ଦେଶ ପର୍ଯ୍ଯନ୍ତ ଅପେକ୍ଷା କରିବେ । ବାସନ୍ଦାଦେଶ ପରେ ଜିମ୍ବାୱେ କ୍ରିକେଟର ବହୁ ଖେଳାଳି ଟ୍ବିଟକରି ଦୁଃଖ ପ୍ରକାଶ କରିବା ସହ ଆବେକ ପୂର୍ଣ୍ଣ କଥା କହିଛନ୍ତି । ତେବେ ବିସିସିଆଇ ଅକ୍ଟୋବର ପର୍ଯ୍ଯନ୍ତ ଅପେକ୍ଷା କରିବ । ଏହା ପରେ ୱେଷ୍ଟଇଣ୍ଡିଜ, ଶ୍ରୀଲଙ୍କା କିମ୍ବା ଆଫଗାନିସ୍ତାନ ସହ ଏହି ଶୃଙ୍ଖଳାର ଭରଣା କରିପାରେ ।
