ହାଇଦ୍ରାବାଦ: ଚାଲିଛି ବିଶ୍ବକପ ଋତୁ । ସବୁଠି ଏବେ କ୍ରିକେଟ ଚର୍ଚ୍ଚା । ବିଶ୍ବକପର ଫିଭର ଏବେ ସଭିଙ୍କୁ ଘାରିଛି । ତେବେ ଏହା ମଧ୍ୟରେ ଭାରତୀୟ କ୍ରିକେଟ ଖେଳାଳି ରିଦ୍ଧିମାନ ଶାହା ଏମିତି ଏକ ଭିଡିଓ ସେୟାର କରିଛନ୍ତି, ଯାହାକୁ ଦେଖିଲେ କ୍ରିକଟ ପ୍ରତି ଭାରତୀୟଙ୍କ କ୍ରେଜ ସ୍ପଷ୍ଟ ଜଣା ପଡୁଛି ।
ଭିଡିଓ ସୌଜନ୍ୟ: ସୋସିଆଲ ମିଡିଆ/ ଟ୍ବିଟର@Wriddhipops
ରିଦ୍ଧିମାନ ସେୟାର କରିଥିବା ଏହି ଭିଡିଓରେ ଜଣେ ଯୁବକଙ୍କୁ ବ୍ୟାଟିଂ କରୁଥିବାର ଦେଖିବାକୁ ମିଳୁଛି । ଆପଣ ଭାବୁଥିବେ ଏଥିରେ ତ ନୂଆ କିଛି ନାହିଁ । କିନ୍ତୁ ଏହି ଭିଡିଓରେ ବ୍ୟାଟିଂ କରୁଥିବା ଯୁବକ ଜଣଙ୍କର ଗୋଟିଏ ଗୋଡ ନାହିଁ । ଯାହାକୁ ଦେଖି ଯେକେହି ଆଶ୍ଚର୍ଯ୍ୟ ହୋଇଯିବେ । ଗୋଟିଏ ଗୋଡରେ ଛିଡା ହୋଇ ସୌରଭ ନାମକ ଏହି ଯୁବକ ଚମତ୍କାର ବ୍ୟାଟିଂ କରୁଛନ୍ତି ।
ଏହି ଭିଡିଓରେ ରିଦ୍ଧିମାନ ଲେଖିଛନ୍ତି ଯେ ‘‘କ୍ରିକେଟ କେବଳ ଗୋଟିଏ ଖେଳ ନୁହେଁ, ଏହା ଏକ ଭାବନା । କ୍ରିକେଟ ପ୍ରତି ସୌରଭଙ୍କ ଭଲପାଇବା ଓ ଅଦମ୍ୟ ମନୋଭାବ ପାଇଁ ତାଙ୍କୁ ସମ୍ମାନ ଜଣାଉଛି ।’’
