ହାଇଦ୍ରାବାଦ: ବିଶ୍ବକପରେ 4ଟି ମ୍ୟାଚ ଖେଳା ସରିଛି । ଭାରତ ବ୍ୟତୀତ ପ୍ରାୟ ସମସ୍ତ ଦଳ ଗୋଟିଏ ଗୋଟିଏ ମ୍ୟାଚ ଖେଳି ସାରିଲେଣି । ଆଜି 5ମ ମ୍ୟାଚରେ ବାଂଲାଦେଶକୁ ଭେଟୁଛି ଦକ୍ଷିଣ ଆଫ୍ରିକା । ତେବେ 4ଟି ମ୍ୟାଚ ଶେଷ ସୁଦ୍ଧା ପଏଣ୍ଟ ତାଲିକାର ଶୀର୍ଷରେ ରହିଛି କାରବିଆନ ଦଳ ।
ତେବେ ପାକିସ୍ତାନ ବିପକ୍ଷ ମ୍ୟାଚରେ 106ରନର ବିଜୟ ଲକ୍ଷ୍ୟକୁ 13.4 ଓଭରରେ ହାସଲ କରି +5.802ରନ ରେଟ ସହ ଶୀର୍ଷ ସ୍ଥାନ ଅଧିକାର କରିଛି ୱେଷ୍ଟଇଣ୍ଡଜ୍ ଦଳ । ସେହିପରି ଶ୍ରୀଲଙ୍କା ବିପକ୍ଷ ମ୍ୟାଚକୁ 10 ୱିକେଟରେ ବିଜୟୀ ହୋଇ ତାଲିକାର 2ୟ ସଥାନରେ ରହିଛି ବ୍ଲାକ କ୍ୟାପ ଦଳ । ସେହିପରି ଡିଫେଣ୍ଡିଂ ଚାମ୍ପିଅନ ଅଷ୍ଟ୍ରେଲିଆ ଆଫଗାନିସ୍ତାନ ବିପକ୍ଷ ମ୍ୟାଚରେ 7 ୱିକେଟ ବିଜୟୀ ସହ 4ର୍ଥ ସ୍ଥାନରେ ରହିଛି । 3ୟ ସ୍ଥାନରେ ଆୟୋଜକ ଇଂଲଣ୍ଡ ରହିଛି ।
ଅନ୍ୟପଟେ ଚଳିତ ବିଶ୍ବକପରେ ସବୁଠାରୁ ଲୋ ସ୍କୋର କରିଥିବା ପାକିସ୍ତାନ ଦଳ ତାଲିକାର ଶେଷ ସ୍ଥାନରେ ରହିଛି । ଯେତେବେଳେ ଭାରତ କିଛି ମ୍ୟାଚ ନ ଖେଳି ମଧ୍ୟ ତାଲିକାର 6ଷ୍ଠ ସ୍ଥାନରେ ରହିଛି ।
