ହାଇଦ୍ରାବାଦ: ଶନିବାର ଦେଖିବାକୁ ମିଳିଥିଲା ଏକ ରୋମାଞ୍ଚକ ମୁକାବିଲା । ଯଦିଓ ମହମ୍ମଦ ଶାମିଙ୍କ ହ୍ୟାଟ୍ରିକ୍ ୱିକେଟ ବଳରେ 11ରେ ଆଫଗାନିସ୍ତାନକୁ ମାତ ଦେଇଛି ବିରାଟ ସେନା । ମାତ୍ର ମଧ୍ୟ ଓଭରରେ ଆଫଗାନିସ୍ତାନର ୱିକେଟ ହାତେଇବା ବିରାଟ ସେନା ପାଇଁ କାଠିକର ପାଠ ହୋଇଥିଲା । ତେବେ ଏହି ସମୟରେ କ୍ୟାପ୍ଟେନ କୋହଲି ନିଜ ନିୟନ୍ତ୍ରଣ ହରାଇ ଏମିତି କିଛି କରିଛନ୍ତି । ଯାହା ଫଳରେ ସେ ସୋସିଆଲ ମିଡିଆରେ ଟ୍ରୋଲ ହୋଇଛନ୍ତି ।
ତେବେ ୱିକେଟ ଖୋଜରେ ତରବରିଆ ଭାବେ କୋହଲି 3ୟ ଓଭରରେ ଡିଏସ୍ଆର ନେଇଯାଇଥିଲେ । ଯାହା ଭୁଲ ପ୍ରମାଣିତ ହେବା ପରେ ସେ ଫିଲ୍ଡ ଅମ୍ପେୟାରଙ୍କ ଆଗରେ ଯାଇ ହାତ ଯୋଡି କ୍ଷମା ମାଗିଥିଲେ । ତେବେ ଘଟଣାଟି ଘଟିଥିଲା ଶାମିଙ୍କ ଓଭରରେ । ବ୍ୟାଟିଂ କରୁଥିବା ହରତାଜ୍ ଉଲ୍ଲା ଜାଇଜ୍ଙ୍କୁ ଶାମି ଏଲବିଡବ୍ଲୁ କରିଥିଲେ । ମାତ୍ର ଅମ୍ପେୟାର ଏହାକୁ ନଟ ଆଉଟ ଘୋଷଣା କରିଥିଲେ । ଫଳରେ ଧୋନିଙ୍କ ସହ ଆଲୋଚନା ପରେ କୋହଲି ରିଭ୍ୟୁ ନେଇଥିଲେ । ଯାହା ମଧ୍ୟ ନଟଆଉଟ ଦର୍ଶାଇଥିଲା । ଫଳରେ କୋହଲି ନିଜ ନିଷ୍ପତ୍ତିରେ ନାଖୁସ ହୋଇ ସମ୍ପୃକ୍ତ ଅମ୍ପେୟାରଙ୍କ ପାଖରେ ଯାଇ ହାତ ଯୋଡି ଥିଲେ ।
ତେବେ କୋହଲି ଏମିତି କେଉଁ କାରଣ ପାଇଁ କରିଥିଲେ ଜଣା ପଡିନି । ମାତ୍ର କୋହଲିଙ୍କ ଏହି ଫଟୋ ଟି ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ କ୍ରିକେଟ ସମାଲୋଚକମାନେ ଏହାକୁ ବିଭିନ୍ନ ମିମିରେ ପରିଣତ କରି ସେୟାର କରିବାରେ ଲାଗିଛନ୍ତି ।
