କଟକ: 23 ବର୍ଷରୁ କମ ମହିଳା ଟି-20ରେ ଓଡିଶା ଦେଖାଇଲା କମାଲ। ଆନ୍ଧ୍ରପ୍ରଦେଶର ଗୁଣ୍ଟୁର ଠାରେ ଗତ ଶୁକ୍ରବାର ଗୋଆ ବିପକ୍ଷରେ ଖେଳାଯାଇଥିବା ଏକ ଗୁରୁତ୍ୱପୂର୍ଣ୍ଣ ମ୍ୟାଚ ରେ 2 ୱେକେଟରେ ବିଜୟ ହାସଲ କରିଛି ଓଡିଶା।
ଟସ ଜିତି ବ୍ୟାଟିଂ ଆରମ୍ଭ କରିଥିବା ଓଡିଶା 6 ୱେକେଟ ହରାଇ ସଂଗ୍ରହ କରିଥିଲା 122 ରନ। ଦଳ ପକ୍ଷରୁ ମୋନାଲିସା ରାଉତ 26, ଅଞ୍ଜଳି ସିଂହ 26, ପୁନମ ନାୟକ 20 ରନ କରିଥିଲେ । ଯାହା ଫଳରେ ଦଳ ଏହି ସମ୍ମାନଜନକ ସ୍କୋର ରେ ପହଞ୍ଚିଥିଲା ।
ଅନ୍ୟପଟେ 123ରନର ବିଜୟ ଲକ୍ଷ୍ୟକୁ ପିଛା କରି ଗୋଆ ମହିଳା ଦଳ ନିର୍ଦ୍ଧାରିତ ଓଭରରେ 5 ୱେକେଟ ହରାଇ 120 ରନ କରିବାକୁ ସକ୍ଷମ ହୋଇଥିଲା । ଯାହାଫଳରେ ଦଳ ପରାଜୟର ସମ୍ନା କରିଥିଲା ।
ଦଳ ପକ୍ଷରୁ ପୂର୍ଵଜା ଭେରଲେକର ସର୍ବାଧିକ 51 ରନ କରିଥିଲେ । ପରବର୍ତ୍ତୀ ମ୍ୟାଚରେ ଚଣ୍ଡୀଗଡକୁ ଭେଟିବ ଓଡିଶା ମହିଳା ଦଳ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
