ନୂଆଦିଲ୍ଲୀ: ବାମହାତୀ ଭାରତୀୟ ସ୍ପିନର କୁଲଦୀପ ଯାଦବ କହିଛନ୍ତି ଯେ ଧର୍ମଶାଳାରେ 2017 ମ୍ୟାଚରେ ଅଷ୍ଟ୍ରେଲିଆ ବିପକ୍ଷ ଡେବ୍ୟୁ ସମୟରେ ସେ ଟେଷ୍ଟ କ୍ୟାପ ପାଇବା କ୍ଷଣି କିଛି ଭାବିବା ଅବସ୍ଥାରେ ନଥିଲେ ବୋଲି କହିଛନ୍ତି ।
‘‘ମୋ ଟେଷ୍ଟ କ୍ୟାପ ପାଇବା ପରେ ଜଡ଼ ପାଲଟି ଯାଇଥିଲି । କ’ଣ ଘଟୁଛି ଏବଂ ଅନ୍ୟମାନେ କ’ଣ କହୁଛନ୍ତି ମୁଁ ଜାଣି ପାରୁନଥିଲି କାରଣ ଏହା ମୋ ଜୀବନର ସବୁଠାରୁ ବଡ ମୁହୂର୍ତ୍ତ ଥିଲା,’’ ବୋଲି କୁଲଦୀପ ମୟଙ୍କ ଅଗ୍ରୱାଲ ଏବଂ ୟୁଜବେନ୍ଦ୍ର ଚହଲଙ୍କ ସହ ଅନଲାଇନ ଭିଡ଼ିଓ ଚାଟରେ କହିଥିଲେ ।
‘‘ମୋର ମନେ ଅଛି (ଡେଭିଡ) ୱାର୍ଣ୍ଣର ମୋର ପ୍ରଥମ ଟେଷ୍ଟ ୱିକେଟ ଏବଂ ଏହା ମୋ ଜୀବନର ଏକ ବଡ଼ ମୁହୂର୍ତ୍ତ ଥିଲା ।’’
ସେ ଆହୁରି ମଧ୍ୟ କହିଛନ୍ତି, ‘‘ମୁଁ ଭାବପ୍ରବଣ ହୋଇପଡିଥିଲି କାରଣ ଭାରତ ପାଇଁ ଟେଷ୍ଟ କ୍ରିକେଟ ଖେଳିବା ଏକ ସ୍ବପ୍ନ ଥିଲା । ଆଉ ପ୍ରଥମ ଦିନରେ ମୁଁ ୱିକେଟ ପାଇଲି। ତେଣୁ ଅଧିକ ଖୁସିର ମୁହୂର୍ତ୍ତ ଥିଲା । ସେଥିପାଇଁ ମୁଁ ଟିକେ ଭାବପ୍ରବଣ ହୋଇଥିଲି।’’
ସେହି ମ୍ୟାଚ୍ରେ ବାମହାତୀ ଚାଇନାମ୍ୟାନ ଚାରିଟି ୱିକେଟ ନେଇ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ କାରଣ ଭାରତ ଏହି ମ୍ୟାଚକୁ ଆଠ ୱିକେଟରେ ଜିତିଥିଲା।
@IANS
