ନୂଆଦିଲ୍ଲୀ: ଦାଦାଙ୍କୁ ନେତୃତ୍ବର ଏହି ଅବତାରରେ ଦେଖିବା ପରେ ମତେ ମନେ ପଡିଯାଉଛି ଯେତେବେଳେ ସେ ଆମ ସହ ଡ୍ରେସିଙ୍ଗ ରୁମରେ ରହୁଥିଲେ । ନିଜର ସେକେଣ୍ଡ ଇଂନିସରେ ମଧ୍ୟ ଗାଙ୍ଗୁଲି ନିଜର ନେତୃତ୍ବ ନେବା କୌଶଳର ବ୍ୟବହାର କରି ଖୁବ ଭଲ ପ୍ରଦର୍ଶନ କରିବେ ବୋଲି ମୋର ବିଶ୍ବାସ । ବୋଲି କହିଛନ୍ତି ଭାରତୀୟ ଦଳର ପୂର୍ବତନ ବ୍ୟାଟ୍ସମ୍ୟାନ ବିରେନ୍ଦ୍ର ସେହ୍ବାଗ।
ଆଗାମୀ ଦିନରେ ବିସିସିଆଇରେ ଆକ୍ରାମକ ଭାବେ ଆଗକୁ ବଢ଼ିବ ବୋଲି ମୋର ବିଶ୍ବାସ । କାରଣ ବର୍ତ୍ତମାନ ସୌରଭ ଗାଙ୍ଗୁଲି ଏହାର ଦାୟିତ୍ବ ନେଇଛନ୍ତି । 2000 ମସିହାରେ ଯେତେବେଳେ ଦାଦା ଆମର ଅଧିନାୟକ ହୋଇଥିଲେ, ସେ ଆମକୁ ବିଦେଶରେ ବିଜୟ ହାସଲ କରିବା ଶିଖାଇଲେ, ଓ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା ସେ ଆମକୁ ଶିଖାଇଥିଲେ ମୈଦାନ ଉପରେ ସଂଘର୍ଷ କିପରି କରନ୍ତି । ମତେ ଲାଗୁଛି ସେ ବର୍ତ୍ତମାନ ନିଜର ନୂତନ ଭୂମିକାକୁ ମଧ୍ୟ ସମାନ ଭାବରେ ତୁଲାଇବେ ଓ ଅନ୍ତରାଷ୍ଟ୍ରୀୟ ସ୍ତରରେ ବିସିସିଆଇକୁ ଆହୁରି ଆଗକୁ ନେଇଯିବେ ।
ସେହ୍ବାଗ ଆହୁରି ମଧ୍ୟ କହିଛନ୍ତି ଯେ, ମତେ ଶୁଣି ବହୁତ ଖୁସି ଲାଗିଲା ଯେ ସେ ଘରୋଇ କ୍ରିକେଟର ଉନ୍ନତି କରିବାକୁ ଚାହୁଁଛନ୍ତି । ଏହି କାମ କରିବା ପାଇଁ ସେ ହେଉଛନ୍ତି ଶ୍ରେଷ୍ଠ ଲୋକ । ଗାଙ୍ଗୁଲି ତୃଣମୁଳ ସ୍ଥରରେ ସମସ୍ୟା କଣ ରହିଛି ଯାଣିଛନ୍ତି । ତାଙ୍କୁ ଯେତେବେଳେ ଟିମରୁ ବାଦ ଦିଆଯାଇଥିଲା ସେ ସାରା ଦେଶ ବୁଲୁଥିଲେ । ମୋର ଏବେ ବି ମନେ ଅଛି ଟିମକୁ ଫେରିବା ପରେ ସେ ସବୁବେଳେ କୁହନ୍ତି ଯେ ଘରୋଇ କ୍ରିକେଟରେ କଣ ଅଭାବ ରହୁଛି ।
ଦାଦା ସବୁବେଳେ ନିଜ ଖେଳାଳିଙ୍କୁ ସହଯୋଗ କରୁଥିଲେ । ଯଦି ସେ ମନେକରନ୍ତି ଯେ ଆପଣ ମ୍ୟାଚ ୱିନର ତେବେ ଦାଦା ଆପଣଙ୍କୁ ତାହା କରିବାକୁ ସୁଯୋଗ ଦିଅନ୍ତି । ମୁଁ, ଯୁବରାଜ, ହରଭଜନ, ଜାହିର ଖାନ, ଆସିସ ନେହରା, ମହମ୍ମଦ କୈଫ ଆମେ ସବୁ ଏହା ଅନୁଭବ କରିଛୁ ।
ସେ ଖେଳାଳିଙ୍କୁ ଅନେକ ଆତ୍ମବିଶ୍ବାସ ଦିଅନ୍ତି । ଯାହା ଦ୍ବାରା ଖେଳାଳି ଭୁଲି ଯାଏ ଯେ ସେ ଗତ 8ରୁ 10ଟି ଇନିଂସରେ ଖରାପ ପ୍ରଦର୍ଶନ କରିଛି । କିଛି ଏମତି ଚମତ୍କାର ହୁଏ ଯେ ଖେଳାଳି ଭାବନ୍ତି ସେମାନେ ବାସ୍ତବରେ ଖୁବ ଭଲ ପ୍ରଦର୍ଶନ କରିଛନ୍ତି । ଆଉ ସେହି ଆତ୍ମବିଶ୍ବାସର ସହିତ ଖେଳାଳି ନିଜର 100 ପ୍ରତିଶତ ଦେଉଥିଲେ ଓ ଆମେ ମ୍ୟାଚ ଜିତି ଯାଉଥିଲୁ । ଜଣେ ଅଧିନାୟକ ଭାବେ ଦାଦାଙ୍କର ଏହା ସବୁଠାରୁ ବଡ ଶକ୍ତି ଥିଲା ବୋଲି କହିଛନ୍ତି ବୀରୁ ।
ମତେ ପ୍ରାୟ ସମୟରେ ପ୍ରଶ୍ନ ପଚରା ଯାଏ ଯେ ମିଡିଲ ଅର୍ଡରରେ ବ୍ୟାଟିଙ୍ଗ କରୁଥିବା ମୋପରି ଜଣେ ବ୍ୟାଟ୍ସମ୍ୟାନଙ୍କୁ କିପରି ଓପନର ହେଲା । ଏଥିରେ ଦାଦାଙ୍କର ବଡ ଭୂମିକା ରହିଛି । ସେ ମତେ କହିଲେ ଯେ ତମେ ଓପନିଂ କର । ମୁଁ ତାଙ୍କୁ ଆଶ୍ଚର୍ଯ୍ୟ ହୋଇ ପରାଚିଲି କାହିଁକି ଆପଣ ଓପନ କରୁ ନାହାଁନ୍ତି କି ? ସଚିନ ବି ତ ଓପନିଙ୍ଗ କରନ୍ତି ତେବେ ମୁଁ କାହିଁକି ?
ସେତିକି ବେଳେ ସେ ମତେ ବୁଝାଇଥିଲେ ଯେ ଓପନିଂ ପାଇଁ ସ୍ଥାନ ଖାଲି ଅଛି, ତେଣୁ ଯଦି ମୁଁ ସେହି ସ୍ଥାନ ନିଏ ତେବେ ମୋ ସ୍ଥାନ ଟିମରେ ପକ୍କା ହୋଇଯିବ । କିନ୍ତୁ ଯଦି ମୁଁ ମିଡିଲ ଅର୍ଡରରେ ହିଁ ଖେଳିବାକୁ ଚାହିଁବି ତେବେ ମତେ ଜଣେ ଖେଳାଳି ଆହତ ହେଲେ ହିଁ ସୁଯୋଗ ମିଳିବ ।
ତେବେ ମତେ ଯାହା ସବୁଠାରୁ ଅଧିକ ପ୍ରଭାବିତ କରିଥିଲା ତାହା ହେଲା, ଦାଦା ମତେ କହିଥିଲେ ଯେ ମୁଁ ତୁମକୁ ତିନି ଚାରୋଟି ଇନିଂସରେ ଓପନ କରିବାକୁ ଦେବି । ଯଦି ତୁମେ ନିଜକୁ ପ୍ରମାଣିତ କରି ନପାରିଲ ତଥାପି ତୁମେ ଖେଳିବ । ତୁମକୁ ବାଦ ଦେବା ପୂର୍ବରୁ ତୁମକୁ ପୁଣି ଥରେ ମିଡିଲ ଅର୍ଡରେ ଖେଳିବାକୁ ସୁଯୋଗ ଦେବି ।
ଏହା ଏକ ଭଲ ଉପାୟ ଥିଲା । ଏହାଦ୍ବାରା ଜଣେ ଖେଳାଳି ତା ଅଧିନାୟକ ଉପରେ ଭରସା କରିପାରେ । ଏଥିରୁ ମତେ ମଧ୍ୟ ଖୁବ ଆତ୍ମ ବିଶ୍ବାସ ମିଳିଥିଲା ବୋଲି କହିଛନ୍ତି ସେହ୍ବାଗ । ମତେ ଲାଗିଲା ଯେ ଦାଦା ମତେ ଏତେ ସମର୍ଥନ କରୁଛନ୍ତି , ତେଣୁ ମତେ ମଧ୍ୟ ଚେଷ୍ଟା କରିବା ଦରକାର । ଆଜି ମୁଁ ଯେଉଁ ସ୍ଥାନରେ ଅଛି କେବଳ ତାଙ୍କ ପାଇଁ । ଦାଦା ଜଣେ ବହୁତ ବୁଦ୍ଧିମାନ ଓ ସରଳ ଅଧିନାୟକ ଥିଲେ । ସେ ନିର୍ଣ୍ଣୟ ନେବାରେ ସମସ୍ତଙ୍କୁ ସାମିଲ କରୁଥିଲେ । ସେ ସମସ୍ତଙ୍କ କଥା ଶୁଣୁଥିଲେ କିନ୍ତୁ ତାଙ୍କୁ ଯାହା ଠିକ ଲାଗୁଥିଲା ସେ ତାହା କରୁଥିଲେ ।
ତେବେ ଗାଙ୍ଗୁଲିଙ୍କ ବିସିସିଆଇ ଅଧ୍ୟକ୍ଷ ହେବା କଥାରେ ସେହ୍ବାଗ ସମନେ ପକାଇଛନ୍ତି କିଛି ପୁରୁଣା ସ୍ମୃତି । 2007 ଦକ୍ଷିଣ ଆଫ୍ରିକା ଗସ୍ତ ସମୟର ଘଟଣା । କେପ ଟାଉନରେ ଚେଷ୍ଟ ମ୍ୟାଚ ଖେଳାଯାଉଥିଲା । ମୁଁ ଆଉ ୱସିମ ଜାଫର ଶୀଘ୍ର ଆଉଟ ହୋଇଯାଇଥିଲୁ ସଚିନ ମଧ୍ୟ କିଛି ଖାସ କରି ପାରିନଥିଲେ । ସେହି ମ୍ୟାଚରେ ଆମର କର ବା ମର ପରିସ୍ଥିତି ଥିଲା । ଆଉ ଏତିକି ବେଳେ ଗାଙ୍ଗୁଲି ଯେଉଁ ଭଳି ଭାବରେ ପରିସ୍ଥିତିକୁ ସମ୍ଭାଳି ଥିଲେ ଓ ଚମତ୍କାୟର ପ୍ରଦର୍ଶନ କରିଥିଲେ । ତାହା କେବେଳ ସେ ହିଁ କରି ପାରିବେ ଆଉ କେହି ନୁହେଁ ବେଲି କହିଛନ୍ତି ସେହୱାଗ ।
ବୀରୁ ଆଗକୁ କହିଥିଲେ ଯେ, ସେଦିନ ଡ୍ରେସିଙ୍ଗ ରୁମରେ ଆମେ ସମସ୍ତେ ସହମତ ହୋଇଥିଲୁ ଯେ ଯଦି ଆମ ମାନଙ୍କ ମଧ୍ୟରୁ କେହି ବିସିସିଆଇର ଅଧ୍ୟକ୍ଷ ହୋଇ ପାରିବ ତେବେ ସେ ହେଉଛନ୍ତି କେବଳ ଦାଦା । ଆଉ ମୁଁ କହିଥିଲେ ଯେ କେବଳ ଅଧ୍ୟକ୍ଷ କାହିଁକି ସେ ବଙ୍ଗଳାର ମୁଖ୍ୟମନ୍ତ୍ରୀ ମଧ୍ୟ ହୋଇ ପାରିବେ । ଗୋଟିଏ ଭବିଷ୍ୟବାଣୀ ସତ୍ୟ ହୋଇ ଯାଇଛି ଆଉ ଗୋଟିଏ ହେବା ବାକି ଅଛି ।
