ହାଇଦ୍ରାବାଦ: ଭାରତୀୟ ଟିମର ଅଧିନାୟକ ବିରାଟ କୋହଲି ପୁଣେ ଟେଷ୍ଟରେ ବିଜୟ ହାସଲ କରିବା ପରେ ଅଷ୍ଟ୍ରେଲିଆ ଅଧିନାୟକଙ୍କ ଏକ ଖାସ୍ କ୍ଲବରେ ସାମିଲ ହୋଇଯାଇଛନ୍ତି । କୋହଲି ଅଧିନାୟକ ଭାବେ 50ଟି ଟେଷ୍ଟ ମ୍ୟାଚରେ ନେତୃତ୍ବ ନେବା ସହ ତାଙ୍କ ନେତୃତ୍ବରେ 30ତମ ମ୍ୟାଚ ଭାରତ ଜିତିଛି । ଫଳରେ 50ଟେଷ୍ଟରେ ନେତୃତ୍ବ ନେଇ 30ରୁ ଉର୍ଦ୍ଧ୍ବ ମ୍ୟାଚ ଜିତିଥିବା ଅଧିନାୟକଙ୍କ ତାଲିକାରେ ବିରାଟ ସାମିଲ ହୋଇଯାଇଛନ୍ତି । ତେବେ ଏହି ତାଲିକାରେ ଅଷ୍ଟ୍ରେଲିଆର ଷ୍ଟିଭ ଓ୍ବ ଓ ରିକି ପଣ୍ଟିଂଙ୍କ ନାଁ ସାମିଲ ରହିଛି ।
ଅଷ୍ଟ୍ରେଲିଆର ଷ୍ଟିଭ ଓ୍ବ ଅଧିନାୟକ ଭାବେ ନିଜର ପ୍ରଥମ 50ଟି ଟେଷ୍ଟରେ ସର୍ବାଧିକ 37ଟି ମ୍ୟାଚ ଜିତିଥିଲେ । ତାଙ୍କ ପଛକୁ ରିକି ପଣ୍ଟିଂ ଅଧିନାୟକ ଭାବେ 35ଟି ମ୍ୟାଚରେ ବିଜୟ ହାସଲ କରିଛନ୍ତି । ଏହି 2 ଖେଳାଳିଙ୍କ ପଛକୁ ଭାରତୀୟ ଅଧିନାୟକ ବିରାଟଙ୍କ ନାଁ ସାମିଲ ହୋଇଛି ।
