ହାଇଦ୍ରାବାଦ: 31 ବର୍ଷରେ ପାଦ ଥାପିଛନ୍ତି ଭାରତୀୟ ଅଧିନାୟକ ବିରାଟ କୋହଲି । ବିଶ୍ବ କ୍ରିକେଟର ଅନ୍ୟତମ ସଫଳ କ୍ରିକେଟର ମଧ୍ୟରେ ଗଣାଯାଆନ୍ତି ଭାରତୀୟ ଅଧିନାୟକ । ତେବେ କେବଳ ଭାରତୀୟ କ୍ରିକେଟ ନୁହେଁ ବିଶ୍ବ କ୍ରିକେଟରେ ବି ଲୋକପ୍ରିୟ ଖେଳାଳି ହେଉଛନ୍ତି କୋହଲି। ଏଥିସହିତ ସୋସିଆଲ ମିଡିଆରେ ତ ତାଙ୍କ ଫ୍ୟାନ ଫଲୋଇଂ ସଂଖ୍ୟ କୋଟିକୋଟି। ସେହିପରି ଇଣ୍ଟରନେଟର ଖୋଜରେ ବି ବିରାଟ ପ୍ରଥମ।
ମଙ୍ଗଳବାର ତାଙ୍କ ଜନ୍ମଦିନରେ ଜାଣିବା ଏହି ଖାସ ରେକର୍ଡ। ଲଗାତର 2018 ଓ 2019 ବର୍ଷ ପାଇଁ ବିଶ୍ବସ୍ତରରେ ଇଣ୍ଟରନେଟରେ ସର୍ଚ୍ଚ ହୋଇଥିବା ଭାରତୀୟ ଖେଳାଳିଙ୍କ ତାଲିକାରେ କୋହଲି ପ୍ରଥମ। ତାଙ୍କ ପଛକୁ ଅଛନ୍ତି ପୂର୍ବତନ ଭାରତୀୟ ଅଧିନାୟକ ତଥା ୱିକେଟକିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂ ଧୋନି । ତାଙ୍କ ପଛକୁ ରହିଛନ୍ତି ହିଟମ୍ୟାନ ରୋହିତ ଶର୍ମା।
ତେବେ ଚଳିତ ବର୍ଷ 9 ମାସ ମଧ୍ୟରେ 2ଲକ୍ଷ ଥରରୁ ବି ଅଧିକ କୋହଲିଙ୍କ ନାମ ଇଣ୍ଟରନେଟରେ ସର୍ଚ୍ଚ କରାଯାଇଛି। ସେହିପରି ଭାରତୀୟ କ୍ରିକେଟ ଦଳ ମଧ୍ୟ ଟିମ ସର୍ଚ୍ଚ ତାଲିକାରେ ପ୍ରଥମରେ ରହିଛି। 2ୟ ଇଂଲଣ୍ଡ ରହିଛି ।
