ମୁମ୍ବାଇ: ଭାରତୀୟ କ୍ରିକେଟ ଟିମର କ୍ୟାପଟେନ ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମା ସୋମବାର ଅପରାହ୍ନରେ କନ୍ୟା ସନ୍ତାନକୁ ଜନ୍ମ ଦେଇଛନ୍ତି । ଏହି ଯୋଡିଙ୍କର ଏହା ପ୍ରଥମ ସନ୍ତାନ । ପିତୃତ୍ବ ଅବକାସ ଛୁଟି ନେଇ ଅଷ୍ଟ୍ରେଲିଆ ଗସ୍ତରୁ ଭାରତ ଫେରିଆସିଥିଲେ ବିରାଟ ।
ବିରାଟ ସୋସିଆଲ ମିଡିଆ ଜରିଆରେ ଏହି ସୂଚନା ଦେଇଛନ୍ତି । ଟ୍ବିଟର ଆକାଉଣ୍ଟରେ ବିରାଟ ଲେଖିଛନ୍ତି, "ଆଜି ଅପରାହ୍ନରେ ଆମ ଘରେ ଝିଅ ଜନ୍ମ ହୋଇଛି । ଏହି ଖୁସି ଖବର ଜଣାଇବାକୁ ଉତ୍ସାହିତ । ଆପଣଙ୍କ ଶୁଭେଚ୍ଛା ଓ ଶୁଭକାମନା ପାଇଁ ଧନ୍ୟବାଦ। ଅନୁଷ୍କା ଓ ଝିଅ ଉଭୟ ସୁସ୍ଥ ଅଛନ୍ତି ଓ ଆମେ ନିଜର ଦ୍ବିତୀୟ ଇଂନିସ ଆରମ୍ଭ କରି ଖୁସି ଅନୁଭବ କରୁଛୁ । "
ବ୍ୟୁରୋ ରିପୋର୍ଟ, ଇଟିଭି ଭାରତ
