ଜୋହାନ୍ସବର୍ଗ: ଦକ୍ଷିଣ ଆଫ୍ରିକା କ୍ରିକେଟ ଟିମକୁ ବଡ ଝଟକା । ଦକ୍ଷିଣ ଆଫ୍ରିକା ଟିମର ଆଉ ଦୁଇ ସଦସ୍ୟ କୋରାନା ପଜିଟିଭ ଚିହ୍ନଟ । ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ ପାଇଁ ଜୈବ ସୁରକ୍ଷା ବଳୟରେ ପ୍ରବେଶ କରିବା ପୂର୍ବରୁ ପଜିଟିଭ ଥିବା ଜଣାପଡିଛି । ଏନେଇ ଦକ୍ଷିଣ ଆଫ୍ରିକା କ୍ରିକେଟ ବୋର୍ଡ ପକ୍ଷରୁ ସ୍ପଷ୍ଟ କରାଯାଇଛି ।
ଗାଇଡଲାଇନ ଅନୁୟାୟୀ, ଜୈବ ସୁରକ୍ଷା ବଳୟରେ ପ୍ରବେଶ ପୂର୍ବରୁ ସମସ୍ତ ସଦସ୍ୟଙ୍କ ପ୍ରଥମ ରାଉଣ୍ଡର ପରୀକ୍ଷା ହୋଇଥିଲା । ତେବେ ସିଏସଏ ମେଡିକାଲ ଟିମ ପଜିଟିଭ ସଦସ୍ୟଙ୍କ ସ୍ବାସ୍ଥାବସ୍ଥା ତଦାରଖ କରୁଛି । ସେମାନଙ୍କୁ ସ୍ବାସ୍ଥ୍ୟାବସ୍ଥା ଭଲ ରହିଛି ଓ ଅନ୍ୟ କୌଣସି ଖେଳାଳି ପଜିଟିଭ ଚିହ୍ନଟ ହୋଇଥିବା ସଦସ୍ୟଙ୍କ ସଂସ୍ପର୍ଶରେ ଆସିନଥିବା ନେଇ ସିଏସଏ ପକ୍ଷରୁ ସୂଚନା ଦିଆଯାଇଛି ।
ଡିସେମ୍ବର 26ରୁ ଶ୍ରୀଲଙ୍କା ଓ ଦକ୍ଷିଣ ଆଫ୍ରିକା ମଧ୍ୟରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଆରମ୍ଭ ହେବ । ଶ୍ରୀଲଙ୍କା ଖେଳାଳି ଶୁକ୍ରବାର ସକାଳୁ ଦକ୍ଷିଣ ଆଫ୍ରିକା ଅଭିମୁଖେ ଯାତ୍ରା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
