କଲମ୍ବୋ: ବାଂଲାଦେଶ ବିପକ୍ଷ ଘରୋଇ ସିରିଜକୁ କ୍ଲିନ ସୁଇପ କରିଛି ଶ୍ରୀଲଙ୍କା ଦଳ । 3ମ୍ୟାଚ ବିଶିଷ୍ଟ ଏହି ସିରିଜକୁ 3-0ରେ ଜିତିନେଇଛି ଦଳ । ପ୍ରଥମ ମ୍ୟାଚକୁ 91ରନ, 2ୟ ମ୍ୟାଚକୁ 7 ୱିକେ୍ଟ ଓ 3ୟ ମ୍ୟାଚରେ 122ରନରେ ବିଜୟ ଲାଭ କରିଛି ଘରୋଇ ଶ୍ରୀଲଙ୍କା । ତେବେ 3ୟ ମ୍ୟାଚର ଏହି ବୃହତ ବିଜୟର ଶ୍ରେୟ ବନିଥିବା ଆଞ୍ଜେଲୋ ମାଥ୍ୟୁସଙ୍କୁ ମ୍ୟାନ ଅଫ ଦ ମ୍ୟାଚ ଓ ପୁରା ସିରିଜରେ ଦମଦାର ପ୍ରଦର୍ଶନ ପାଇଁ ମ୍ୟାନ ଅଫ ଦ ସିରିଜ ପ୍ରଦାନ କରାଯାଇଛି ।
ତେବେ ବୁଧାବାର ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ଲଙ୍କା ଦଳ । ନିର୍ଦ୍ଧାରିତ 50 ଓଭରରେ 8 ୱିକେଟ୍ ହରାଇ 294 ରନ୍ କରିଥିଲା ଶ୍ରୀଲଙ୍କା । ଦଳ ପକ୍ଷରୁ ମାଥ୍ୟୁସ୍ ସର୍ବାଧିକ 87 (90 ବଲ୍, 8 ଚୌକା, 1 ଛକା) ରନ୍ କରିଥିବା ବେଳେ କୁଶଲ ମେଣ୍ଡିସ୍ 54 (58 ବଲ୍, 5 ଚୌକା, 1 ଛକା), କ୍ୟାପଟେନ୍ ଦିମୁତ କରୁଣାରତ୍ନେ 46 ଓ କୁଶଲ ପରେରା 42 ରନ୍ କରିଥିଲେ ।
ତେବେ ଜବାବରେ ବାଂଲାଦେଶ 36 ଓଭରରେ ସମସ୍ତ ୱିକେଟ୍ 172 ରନ୍ କରିବାକୁ ସକ୍ଷମ ହୋଇଥିଲା । ଦଳ ପକ୍ଷରୁ ସୌମ୍ୟ ସରକାର ସର୍ବାଧିକ 69 ଓ ତାଇଜୁଲ୍ ଇସଲାମ୍ ଅପରାଜିତ 39 ରନ୍ କରିଥିଲେ । ଶ୍ରୀଲଙ୍କା ପକ୍ଷରୁ ଦଶୁନ ଶନକା 3ଟି, ରଜିଥା ଓ ଲାହିରୁ କୁମାରା 2ଟି ଲେଖାଏଁ ୱିକେଟ୍ ହାସଲ କରିଥିଲେ ।
