ଲଣ୍ଡନ: ଦ.ଆଫ୍ରିକା ସହ ଚାଲିଥିବା ୟୁଥ ଦିନିକିଆ ସିରିଜକୁ ଆଗୁଆ ହାତେଇଲା ଭାରତ । ଶନିବାର ଦିନ 2ୟ ମ୍ୟାଚରେ ଭାରତ ଟସ୍ ଜିତି ପ୍ରଥମେ ବୋଲିଂ କରିଥିଲା । ତେବେ ବର୍ଥଡେ ବୟ ଯଶସ୍ବୀ ଜୟସଓ୍ବାଲଙ୍କ ଦମ୍ଦାର ବୋଲିଂ ଫଳରେ ଅଣ୍ଡର-19 ଭାରତୀୟ ଦଳ ଦ.ଆଫ୍ରିକାକୁ 119ରେ ଅଲଆଉଟ୍ କରିଥିଲା । 2ୟ ମ୍ୟାଚରେ ଭାରତ 8 ଓ୍ବିକେଟରେ ଅଣ୍ଡର-19 ଭାରତୀୟ କ୍ରିକେଟ ଟିମ ବିଜୟ ହାସଲ କରିଛି ।
ଯଶସ୍ବୀ ଜୟସଓ୍ବାଲ ଦଳ ପକ୍ଷରୁ ସର୍ବାଧିକ 4ଟି ଓ୍ବିକେଟ ନେଇଥିବାବେଳେ, ରବି ,ଅର୍ଥବ ଓ ଆକାଶ ଦୁଇଟି ଲେଖାଏଁ ହାସଲ କରିଥିଲେ ।
ତେବେ 119ରନର ପିଛା କରି ଭାରତୀୟ ଦଳ ମାତ୍ର 16.2 ଓଭରରେ 2 ଓ୍ବିକେଟ ବିନିମୟରେ ବିଜୟଲକ୍ଷ୍ୟକୁ ଛୁଇଁ ମ୍ୟାଚ ନିଜ ନାଁରେ କରିଛନ୍ତି । ତେବେ ଦଳ ପକ୍ଷରୁ ଯଶସ୍ବୀ ସର୍ବାଧିକ 89ରନ(56ବଲ୍) କରି ନଟ୍ ଆଉଟ ରହିଥିଲେ ।
ତେବେ ଏହି 3ମ୍ୟାଚ ବିଶିଷ୍ଟ ୟୁଥ ସିରିଜକୁ ଆଗୁଆ କବଜା କରିଛି ଭାରତ ।
