ହାଇଦ୍ରାବାଦ: ନ୍ୟୁଜିଲାଣ୍ଡ ପକ୍ଷରୁ ଖେଳିବେ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ଡେଭୋନ କନୱେ । ଆଇସିସି ପକ୍ଷରୁ କନୱେଙ୍କୁ ଏନେଇ ମିଳିସାରିଛି ଗ୍ରିନ ସିଗନାଲ । ନ୍ୟୁଜିଲାଣ୍ଡ ଟିମରେ ଖେଳିବାକୁ ଆଇସିସି ନିକଟରେ ଆବେଦନ କରିଥିଲେ ଏହି ଦକ୍ଷିଣ ଆଫ୍ରିକା କ୍ରିକେଟର ।
28 ବର୍ଷିୟ କନୱେ ସେପ୍ଟମ୍ବର 2017ରେ ଜୋହାନ୍ସବର୍ଗରୁ ନ୍ୟୁଜିଲାଣ୍ଡର ରାସ୍ତା ବାଛିନେଇଥିଲେ । ଆଇସିସି ପକ୍ଷରୁ ଗ୍ରିନ ସିଗନାଲ ମିଳିବା ପରେ ନ୍ୟୁଜିଲାଣ୍ଡ ଦଳରେ ଡେବ୍ୟୁ କରିବେ ଦକ୍ଷିଣ ଆଫ୍ରିକାରେ ଜନ୍ମିତ କନୱେ । ତେବେ ନ୍ୟୁଜିଲାଣ୍ଡ ଏ ଦଳ ଅଗଷ୍ଟ 15ରେ ଭାରତ ଗସ୍ତରେ ଆସିବାର ସୂଚୀ ରହିଛି । ଅନ୍ୟପଟେ ନ୍ୟୁଜିଲାଣ୍ଡ ଜାତୀୟ ଦଳ ବାଂଲାଦେଶ ଗସ୍ତରେ ଯିବାର ସୂଚୀ ରହିଛି । ସେଥିପାଇଁ ଭାରତ କିମ୍ବା ବାଂଲାଦେଶ ବିପକ୍ଷରେ ନ୍ୟୁଜିଲାଣ୍ଡ ପକ୍ଷରୁ ଖେଳିବା ଆରମ୍ଭ କରିପାରନ୍ତି କନୱେ ।
