ଢାକା: କୋରୋନା ସହାୟତା ପାଇଁ ନିଜ ବ୍ୟାଟ ନିଲାମ କରିବେ ବାଂଲାଦେଶ ଅଲରାଉଣ୍ଡର ସାକିବ-ଅଲ ହାସନ । ଦେଶର କୋରୋନା ବିରୋଧି ଲଢେଇରେ ସାମିଲ ହେବାକୁ ସାକିବ ଏହି ନିଷ୍ପତି ନେଇଛନ୍ତି ।
ମହାମାରୀ କୋରୋନା ଭାଇରସରେ ସମଗ୍ର ବିଶ୍ବ ପ୍ରଭାବିତ । ଦେଶର କଠିନ ସମୟରେ ଅସହାୟ ଲୋକଙ୍କୁ ଆର୍ଥିକ ସହାୟତା ଜରୁରୀ ହୋଇପଡିଛି । ନିଲାମରୁ ଆୟ ଅର୍ଥକୁ ସେ ଏପରି ଲୋକଙ୍କ ଉଦ୍ଦେଶ୍ୟରେ ଦାନ କରିବେ କହିଛନ୍ତି ଏହି ସାକିବ-ଅଲ ହାସନ ।
ନିଲାମ ପାଇଁ ଥିବା ବ୍ୟାଟରେ 2019 କ୍ରିକେଟ ବିଶ୍ବକପ ଖେଳିଥିଲେ ଏହି ବାଂଲାଦେଶ ଅଲରାଉଣ୍ଡର । ବିଶ୍ବକପରେ ଏହି ବ୍ୟାଟରେ ଦମଦାର ପ୍ରଦର୍ଶନ କରିଥିଲେ ସାକିବ । ଗୋଟିଏ ବିଶ୍ବକପର ସଂସ୍କରଣରେ 600ରୁଅଧିର ରନ ଓ 10ରୁ ଅଧିକ ୱିକେଟ ହାସଲ କରିବାରେ ସେ ବିଶ୍ବର ପ୍ରଥମ କ୍ରିକେଟର ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
