କରାଚୀ: ଶେଷରେ ପାକିସ୍ତାନ କ୍ରିକେଟ ଦଳର କ୍ୟାପ୍ଟେନ ଗାଦିରୁ ହଟିଲେ ସର୍ଫରାଜ ଅହମ୍ମଦ। ବିଶ୍ବକପରେ ଦଳର ନୈରାଶ୍ୟଜନକ ପ୍ରଦର୍ଶନ ପରେ ସର୍ଫାରାଜ ହଟାଓ ଦାବି ହୋଇ ଆସୁଥିଲା । ଶେଷରେ ତାହା ସଫଳ ହୋଇଛି । ଟେଷ୍ଟ ଓ ଟି-20 ଫର୍ମାଟରେ ସର୍ଫରାଜଙ୍କୁ କ୍ୟାପ୍ଟେନ ପଦରୁ ହଟାଯାଇଛି ।
ତେବେ ଟେଷ୍ଟ ପାଇଁ ଆଝର ଅଲ୍ଲୀଙ୍କୁ ଅଧିନାୟକ କରାଯାଇଛି । ସେହିପରି ଟି-20 ଫର୍ମାଟ ପାଇଁ ଦଳର କ୍ୟାପ୍ଟେନ ହୋଇଛନ୍ତି ବାବର ଆଜମ। ଏନେଇ ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ ସୂଚନା ମିଳିଛି ।
ତେବେ ବିଶ୍ବକପରେ ଦଳର ନୈରାଶ୍ୟଜନକ ପ୍ରଦର୍ଶନ ପରେ ଘରୋଇ ସିରିଜରେ ମଧ୍ୟ ଲଜ୍ୟାଜନକ ପରାଜୟ ପାଇଥିଲା ଦଳ । ଶ୍ରୀଲଙ୍କା ପାକିସ୍ତାନ ମାଟିରେ ଟି-20 ମାନ୍ୟତାର ଶୀର୍ଷ ସ୍ଥାନରେ ଥିବା ପାକିସ୍ତାନକୁ ଶୋଚନୀୟ ପରାସ୍ତ କରିଥିଲା । ଏହାପରେ କ୍ୟାପ୍ଟେନ ପଦରୁ ସର୍ଫରାଜଙ୍କୁ ହଟାଇବା ପାଇଁ ପାକିସ୍ତାନ କ୍ରିକେଟ ବୋର୍ଡ ସଂକେତ ଦେଇଥିଲା।
