ହାଇଦ୍ରାବାଦ: ପୂର୍ବତନ ଭାରତୀୟ କ୍ରିକେଟର ଅମ୍ବାତି ରାଇଡୁଙ୍କୁ 3ଡି ଗ୍ଲାସ ଟ୍ବିଟ ପରେ ଏବେ ଯୁବ ୱିକେଟ କିପର ବ୍ୟାଟ୍ସମ୍ୟାନ ସଞ୍ଜୁ ସାମସନଙ୍କ ଏକ ଟ୍ବିଟ ଏବେ ଭାଇରାଲ ହେଉଛି । ସଞ୍ଜୁ ଶୁକ୍ରବାର ଏକ ଟ୍ବିଟ କରିଛନ୍ତି । ଯେଉଁଥିରେ କେବଳ ଗୋଟିଏ କମା ରହିଛି ।
ତେବେ ସଞ୍ଜୁ କାହିଁକି ଏମିତି ଟ୍ବିଟ କରିଛନ୍ତି ତାକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା । ଉଲ୍ଲେଖଥାଉ କି, ଚଳିତ ଅଷ୍ଟ୍ରେଲିଆ ବିପକ୍ଷ ଘରୋଇ ଦିନିକିଆ ସିରିଜ ଓ ଆଗାମୀ ନ୍ୟୁଜିଲାଣ୍ଡ ଗସ୍ତରେ ସଞ୍ଜୁ ସାମସନଙ୍କ ନାମ ନାହିଁ । ଏମିତି କି ଯୁବ ୱିକେଟ କିପର ଋଷବ ପନ୍ତ 2ୟ ଦିନିକିଆରେ ଆହତ ହେବାପରେ ବ୍ୟାକଅଫ ୱିକେଟ କିପର ଭାବେ ଭରତଙ୍କୁ ଦଳକୁ ଡକାଯାଇଛି । ତେଣୁ ଚର୍ଚ୍ଚା ହେଉଛି କି, ଚୟନ କମିଟିର ସଞ୍ଜୁଙ୍କ ପ୍ରତି ଏହି ପାତର ଅନ୍ତର ମନୋଭାବେ ପାଇଁ ସେ ଏମିକି କିଛି ଟ୍ବିଟ କରିଛନ୍ତି । କିନ୍ତୁ ଏହି ଟ୍ବିଟ ଭୁଲବଶତଃ ହୋଇପାରେ ବୋଲି ବି ଚର୍ଚ୍ଚା ମଧ୍ୟ ହେଉଛି ।
ସୂଚନାଯୋଗ୍ୟ ଶେଷଥର ପାଇଁ ଇଣ୍ଡିଜ୍ ବିପକ୍ଷ ଶେଷ ଟି-20 ମ୍ୟାଚରେ ସଞ୍ଜୁ ଖେଳିବାକୁ ସୁଯୋଗ ପାଇଥିଲେ । ମାତ୍ର 6 ରନ କରି ଆଉଟ ହୋଇଯାଇଥିଲେ । ପରେ ତାଙ୍କୁ ଆଉ ସୂଯୋଗ ମିଳୁନାହିଁ ।
