ହାଇଦ୍ରବାଦ: ଲକଡାଉନରେ ବାପା ହେଲେ କି ଧୋନି ? ଜିଭାଙ୍କ ପାଖକୁ ଆସିଲା ନୂଆ ଭାଇ କିମ୍ବା ଭଉଣୀ ? ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ପତ୍ନୀ ସାକ୍ଷୀ ଧୋନିଙ୍କ ଏକ ସୋସିଆଲ ମିଡିଆ ପୋଷ୍ଟ ପରେ ଏମିତି କିଛି ଦ୍ବନ୍ଦ ଏବେ ଭାରତୀୟ କ୍ରିକେଟ ପ୍ରେମୀଙ୍କ ମନରେ ।
ସୂଚନାଯୋଗ୍ୟ, ସୋମବାର ସାକ୍ଷୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏମିତି ଏକ ପୋଷ୍ଟ କରିଛନ୍ତି । ଫଟୋରେ ଝିଅ ଜିଭା ଏକ ଛୋଟ ଶିଶୁକୁ କୋଳରେ ଧରିଛନ୍ତି । ଆଉ ଯାହାର କ୍ୟାପସନରେ ଏକ ହାର୍ଟ ଇଜୋମି ରଖିଛନ୍ତି ସାକ୍ଷୀ । ସେହିପରି ସମାନ ଫଟୋଟି ମଧ୍ୟ ଜିଭାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି । ତେବେ ଏହି ପୋଷ୍ଟ ପରେ ଅନେକ କ୍ରିକେଟ ପ୍ରେମୀ ଏବେ ଦ୍ବନ୍ଦରେ ପଡିଯାଇଛନ୍ତି ଯେ, କଣ ପୁଣି ଥରେ ବାପା ହେଲେ କି କ୍ୟାପଟେନ କୁଲ ?
ତେବେ ସାକ୍ଷୀଙ୍କ ଏହି ପୋଷ୍ଟରେ ଅନେକ କ୍ରିକେଟ ପ୍ରେମୀ କମେଣ୍ଟ ଦେଇଛନ୍ତି । କେହି କେହି ଏହାକୁ ଦାର୍ଦ୍ଦିକ ପାଣ୍ଡ୍ୟାଙ୍କ ଶିଶୁ ପୁତ୍ର ବୋଲି କହିଛନ୍ତି । ଆଉ କେହି ଧୋନି ଓ ସାକ୍ଷୀଙ୍କୁ ନୂତନ ଶିଶୁ ପାଇଁ ଶୁଭେଚ୍ଛା ମଧ୍ୟ ଜଣାଇଛନ୍ତି । ତେବେ ପ୍ରକୃତରେ ଜିଭା କୋଳରେ ଧରିଥିବା ଏହି ଶିଶୁ କାହାର ଜଣାପଡିନାହିଁ ।
