ହାଇଦ୍ରାବାଦ: ଟେଷ୍ଟ କ୍ରିକେଟ କ୍ୟାରିଅରେ ପ୍ରଥମ ଥର ପାଇଁ ଓପନର ଭାବେ ଖେଳୁଥିବା ରୋହିତ ଶର୍ମାଙ୍କ ଦମ୍ଦାର ପ୍ରଦର୍ଶନ ଦେଖି କ୍ରିକେଟ ଜଗତରେ ତାଙ୍କ ପ୍ରଶଂସା ନକରି କେହି ରହି ପାରୁ ନାହାଁନ୍ତି । ତେବେ ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଗ୍ରୀମ ସ୍ମିଥ ମଧ୍ୟ ହିଟମ୍ୟାନଙ୍କ ପ୍ରଶଂସାରେ ଶତମୂଖ ।
ସେ ରୋହିତଙ୍କ ପ୍ରଶଂସା କରି କହିଛନ୍ତି ଯେ, ରୋହିତଙ୍କ ପ୍ରଦର୍ଶନ ବେଶ୍ ପ୍ରଶଂସନୀୟ । ଏହି ଖେଳ ପ୍ରତି ତାଙ୍କର ଅନୁଶାସନ ଓ ରଣନୀତି, ତାଙ୍କୁ ସର୍ବଶ୍ରେଷ୍ଠ ଟେଷ୍ଟ ବ୍ୟାଟ୍ସମ୍ୟାନଙ୍କ ମଧ୍ୟରେ ସ୍ଥାନିତ କରିବ । ସେ ଆହୁରି ମଧ୍ୟ କହିଛନ୍ତି ଯେ, ସ୍ପିନ ବିଭାଗ ରୋହିତଙ୍କ ପାଇଁ ବେଶ୍ ଲାଭଦାୟକ ରହିଥିଲା । ଯାହା ଫଳରେ ଏହି ସିରିଜରେ ସେ ଶାନଦାର ପ୍ରଦର୍ଶନ କରିବାରେ ସକ୍ଷମ ହୋଇଛନ୍ତି ।
ସୂଚନା ଥାଉକି, ଦକ୍ଷିଣ ଆଫ୍ରିକା ବିପକ୍ଷରେ 3ୟ ଟେଷ୍ଟ ମ୍ୟାଚର ପ୍ରଥମ ଇଂନିସରେ ଭାରତ ପକ୍ଷରୁ ରୋହିତ 255ବଲ୍ରେ 212 ରନ କରିଛନ୍ତି । ସେଥିରେ 6ଟି ଛକା ଓ 28ଟି ଚୌକା ସାମିଲ ଅଛି ।
