ରାୟପୁର: ରୋଡ ସେଫଟି ୱାର୍ଲ୍ଡ ସିରିଜ 2021ରେ ମଙ୍ଗଳବାର ଇଂଲଣ୍ଡ ଲିଜେଣ୍ଡ୍ସ ଓ ଭାରତ ଲିଜେଣ୍ଡ୍ସ ମଧ୍ୟରେ ମୁକାବିଲା ହେଉଛି । ପ୍ରଥମେ ବ୍ୟାଟିଂ କରି ଇଂଲଣ୍ଡ 188 ରନ କରିଛି । ଦଳ ପକ୍ଷରୁ ପୁଣି କ୍ୟାପଟେନ କେଭିନ ପିଟରସନ 37 ବଲ୍ରୁ 6 ଚୌକା, 5 ଛକା ବଳରେ 75 ରନର ଧୁଆଁଧାର ଇଂନିସ ଖେଳିଛନ୍ତି ।
ମ୍ୟାଚର ଦ୍ବିତୀୟ ଓଭରରେ ପ୍ରଜ୍ଞାନ ଓଝାଙ୍କ ଓଭରରୁ ଦୁଇଟି ଛକା ସହ ମୋଟ 22 ରନ ସଂଗ୍ରହ କରିଥିଲେ । ଏହାପରେ ଯୁବରାଜ ସିଂହଙ୍କୁ ମଧ୍ୟ ପ୍ରଥମ ଦୁଇଟି ବଲରେ ଦୁଇଟି ଛକାରେ ସ୍ବାଗତ କରିଥିଲେ ପିଟରସନ । ଏଥିସହ 18 ବଲ୍ରୁ ଅର୍ଦ୍ଧଶତକ ହାସଲ କରିଥିଲେ ।
ଭାରତ ପକ୍ଷରୁ ୟୁସୁଫ ପଠାନ 3ଟି ୱିକେଟ, ଇରଫାନ ପଠାନ ଓ ମୁନାଫ ପଟେଲ ଦୁଇଟି ଲେଖାଏଁ ୱିକେଟ ଅକ୍ତିଆର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
