ରାୟପୁର: ରୋଡ ସେଫ୍ଟି ୱାର୍ଲ୍ଡ ସିରିଜ 2021 ଶୁକ୍ରବାର ଠାରୁ ଆରମ୍ଭ ହୋଇଛି । ପ୍ରଥମ ମ୍ୟାଚରେ ଇଣ୍ଡିଆ ଲିଜେଣ୍ଡସ ବାଲାଂଦେଶ ଲିଜେଣ୍ଡ ଟିମକୁ 10 ୱିକେଟରେ ପରାସ୍ତ କରିଛି । ନବନିର୍ମିତ ସହୀଦ ବୀର ନାରାୟଣ ସିଂହ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମ, ରାୟପୁରରେ ଖେଳାଯାଇଥିବା ମୁକାବିଲା ।
ବିରେନ୍ଦ୍ର ସେହ୍ବାଗ ଓ ସଚିନ ତେନ୍ଦୁଲକର 59 ବଲରୁ ଅପରାଜିତ 110 ରନ ଓପନିଂ ୱିକେଟ ପାର୍ଟନରସିପ ବଳରେ ବିଜୟ ଲକ୍ଷ୍ୟ ହାସଲ କରିନେଇଛି ।
ସେହ୍ବାଗ 35 ବଲରୁ 10 ଚୌକା ଓ 5 ଛକା ସହାୟତାରେ ବିସ୍ଫୋରକ 80 ରନର ଇଂନିସ ଖେଳିଛନ୍ତି । ଅନ୍ୟପଟେ ତେନ୍ଦୁଲକର 26 ବଲରୁ 33 ରନର ଇଂମିସ ଖେଳିଛନ୍ତି । 10.1 ଓଭରରେ ଭାରତ ବିଜୟ ଲକ୍ଷ୍ୟ ହାସଲ କରିନେଇଥିଲା ।
ପୂର୍ବରୁ ବାଂଲାଦେଶ ଲିଜେଣ୍ଡ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । 19.4 ଓଭରରେ ସମସ୍ତ ୱିକେଟ ହରାଇ 109 ରନ କରିପାରିଥିଲା ।
ବାରତ ପକ୍ଷରୁ ପ୍ରଜ୍ଞାନ ଓଝା, ଯୁବରାଜ ସିଂହ, ବିନୟ କୁମାର ଦୁଇଟି ଲେଖାଏଁ ୱିକେଟ ହାସଲ କରିଥିଲେ । ମନପ୍ରୀତ ଗୋନି ଓ ୟୁସୁଫ ପଠାନ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
