ଆବୁଧାବି: ଦର୍ଶକ ଦେଖିବେ ସନଡେ ଡବଲ ଧମାକା । ଆଜିର ଡବଲହେଡର 1ମ ମ୍ୟାଚରେ ଚେନ୍ନାଇକୁ ଭେଟିବ ପଞ୍ଜାବ । ଚେନ୍ନାଇ ପ୍ଲେଅଫ୍ରୁ ବାଦ୍ ପଡି ସାରିଛି । ଏପଟେ ପଞ୍ଜାବକୁ ପ୍ଲେଅଫ୍ରେ ଏଣ୍ଟ୍ରି ମାରିବାକୁ ହେଲେ ଆଜିର ମ୍ୟାଚରେ ଭଲ ରନ୍ରେଟ ସହ ଜିତିବାକୁ ପଡିବ । କିନ୍ତୁ ଗତ 2ଟି ମ୍ୟାଚରେ ଚେନ୍ନାଇ ଆରସିବି ଓ କେକେଆରକୁ ମାତ୍ ଦେଇ ସାରିଛି । ଫଳରେ ଆଜି ପଞ୍ଜାବକୁ ବେଶ୍ ସତର୍କ ରହିବାକୁ ପଡିବ ।
ଆଇପିଏଲ ସମର
ଏବେ ପଞ୍ଜାବ 12ଅଙ୍କ ସହ 4ର୍ଥ ସ୍ଥାନରେ ରହିଛି । ପଞ୍ଜାବର ବ୍ୟାଟିଂ ବିଭାଗକୁ ଦେଖିଲେ ଗେଲ୍ ଭଲ ଫର୍ମରେ ରହିଛନ୍ତି । ରାଜସ୍ଥାନ ବିପକ୍ଷରେ 99ରନ୍ର ପାଳି ଖେଳିଥିଲେ । ସେହିପରି ଅଧିନାୟକ ରାହୁଲ ବି ଭଲ ପ୍ରଦର୍ଶନ କରୁଛନ୍ତି । ନିକୋଲସ ପୁରନ ବଡ ସଟ୍ ଖେଳିବାରେ ସକ୍ଷମ । ବୋଲିଂ ବିଭାଗରେ ମହମ୍ମଦ ସାମି , ଅର୍ଶଦୀପ ସିଂ ଓ କ୍ରିସ ଜୋର୍ଡନଙ୍କୁ ଚେନ୍ନାଇ ବିପକ୍ଷରେ ଆହୁରି ଭଲ ଖେଳିବାକୁ ପଡିବ । ରବି ଓ ମୁରଗନ ଯୋଡି ବି ଚେନ୍ନାଇର ବ୍ୟାଟିଂ ଲାଇନ ବିଗାଡିବାରେ ବେଶ୍ ସକ୍ଷମ ।
