କରାଚି: ପାକିସ୍ତାନ ଓ ଶ୍ରୀଲଙ୍କା ମଧ୍ୟରେ ଚାଲିଥିବା ଦିନିକିଆ ସିରିଜର 2ୟ ମ୍ୟାଚ କରାଚି ସ୍ଥିତ ଜାତୀୟ ଷ୍ଟାଡିୟମରେ ଖେଳାଯାଉଛି । ପାକିସ୍ତାନ ପ୍ରଥମେ ବ୍ୟାଟିଂ କରି ବାବର ଆଜାମଙ୍କ ଶତକ ବଳରେ 305 ରନ କରିଛି ।
ପାକିସ୍ତାନ ପକ୍ଷରୁ ଓପନର ଫକର ଜମନ 54, ଇମାମ ଉଲ-ହକ 31 ଓ ହାରିସ ସୋହେଲ 40 ରନର ପାଳି ଖେଳିଛନ୍ତି । ବାବର ଆଜାମ ନିଜ କ୍ୟାରିୟରର 11ତମ ଶତକ ପୂରଣ କରିଛନ୍ତି । 105 ବଲରୁ 8 ଚୌକା ଓ 4ଛକା ସହାୟତାରେ 115 ରନର ପାଳି ଖେଳିଛନ୍ତି ।
ଶ୍ରୀଲଙ୍କା ପକ୍ଷରୁ ୱାନିନ୍ଦୁ ହସରଙ୍ଗା ସର୍ବାଧିକ 2ଟି ୱିକେଟ ନେଇଥିଲେ । ଇସୁରୁ ଉଦାନା ଗୋଟିଏ ୱିକେଟ ଅକ୍ତିଆର କରିଛନ୍ତି । ତେବେ ପାକିସ୍ତାନର 4ଜଣ ବ୍ୟାଟ୍ସମ୍ୟାନ ରନଆଉଟ ହୋଇଛନ୍ତି ।
