ବର୍ମିଙ୍ଘମ: ବିଶ୍ବକପର 33ତମ ମ୍ୟାଚରେ ମୁହାଁମୁହିଁ ହୋଇଛନ୍ତି ପାକିସ୍ତାନ ଓ ନ୍ୟୁଜିଲାଣ୍ଡ । ବର୍ମିଙ୍ଘମର ଆଜବେଷ୍ଟନ ମଇଦାନରେ ଆରମ୍ଭ ହୋଇଛି ମ୍ୟାଚ । ଏହି ମ୍ୟାଚ ପାକିସ୍ତାନ ପାଇଁ ବେଶ ଗୁରୁତ୍ୱପୂର୍ଣ୍ଣ ରହିଛି । 6ଟି ମ୍ୟାଚ ଖେଳି ପାକିସ୍ତାନ ପାଖରେ ରହିଛି ମାତ୍ର 6 ପଏଣ୍ଟ । ସେମିଫାଇନାଲରେ ପହଁଞ୍ଚିବା ପାଇଁ ବାକି ଥିବା ତିନୋଟି ମ୍ୟାଚ ପାକସ୍ତାନକୁ ଜିତିବାକୁ ହେବ । ସେପଟେ ନ୍ୟୁଜିଲାଣ୍ଡ 6ଟି ମ୍ୟାଚରୁ 5ଟି ଜିତି ସାରିଛି ତେଣୁ ସେମିଫାଇନାଲରେ ତାର ଏକପ୍ରକାର ସ୍ଥାନ ପକ୍କା ହୋଇଛି । ତେବେ ଆଜି(ବୁଧବାର) ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା କିୱି ଦଳକୁ ପାକିସ୍ତାନ ଦେଇଛି ପ୍ରାରମ୍ଭିକ ଝଟକା । ଦୁଇ ଓପନର ମାର୍ଟିନ ଗୁପ୍ଟିଲ, କଲିନ ମୁର୍ନୋ, ରସ ଟେଲର ଓ ପରେ ପରେ ଟମ ଲାଥମ ମଧ୍ୟ ଯଥାକ୍ରମେ 5, 12, 3 ଓ 1 ରନ କରି ପାଭିଲିୟନ ଫେରିଛନ୍ତି ।
![World cup, pakistan vs new zealand, match, cricket, control, black caps, new zealand, top order, crumble, ବିଶ୍ବକପ୍](https://etvbharatimages.akamaized.net/etvbharat/prod-images/3670417_pak-celeb.jpg)
![World cup, pakistan vs new zealand, match, cricket, control, black caps, new zealand, top order, crumble, ବିଶ୍ବକପ୍](https://etvbharatimages.akamaized.net/etvbharat/prod-images/3670417_pak-bowl.jpg)