କଟକ: ଓଡିଶା ମହିଳା ଦଳର ବିଜୟ ଅଭିଯାନ ଜାରି । ସୁରତରେ ଖେଳାଯାଉଥିବା ସିନିୟର ମହିଳା ଏକଦିବସୀୟ ଟ୍ରଫିରେ ଓଡିଶା ଗୁଜୁରାଟକୁ 6 ୱିକେଟରେ ପରାସ୍ତ କରିଛି । ଏହାସହ ଲିଗ ପର୍ଯ୍ୟାୟରେ 5 ଟି ମ୍ୟାଚରୁ 4ଟିରେ ବିଜୟୀ ହୋଇଛି ।
ବ୍ୟାଟିଂ ଆମନ୍ତ୍ରଣ ପାଇ ଗୁଜୁରାଟ ମାତ୍ର 70 ରନରେ ଅଲ୍ଆଉଟ ହୋଇଥିଲା । ଓଡିଶା ପକ୍ଷରୁ ରାମେଶ୍ବରୀ ନାୟକ ସର୍ବାଧିକ 6ଟି ୱିକେଟ ନେଇ ଗୁଜୁରାଟର ବ୍ୟାଟିଂ ଲାଇନଅପ୍କୁ ଧୂଳିସାତ୍ କରିଥିଲେ ।
ପରେ ଧାର୍ଯ୍ୟ ଲକ୍ଷକୁ 23 ଓଭରରେ 4 ୱିକେଟ ହରାଇ ହାସଲ କରିନେଇଥିଲା ଓଡିଶା । ଦଳ ପକ୍ଷରୁ ସୁଶ୍ରୀ ଦିବ୍ୟଦର୍ଶିନୀ ସର୍ବାଧିକ 34 ରନର ଇଂନିସ ଖେଳିଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
