ହାଇଦ୍ରାବାଦ: ଆଇପିଏଲରେ ପ୍ରଥମ ଥର ପାଇଁ ହେବ ଡୋପ ଟେଷ୍ଟ । ଡୋପ୍ କଣ୍ଟ୍ରୋଲ ପାଇଁ ନ୍ୟାସନାଲ ଡୋପିଂ ଏଜେନ୍ସି(NADA) ୟୁଏଇରେ ହେବାକୁ ଥିବା ଆଇପିଏଲର ମେଗା ଇଭେଣ୍ଟରେ ନମୁନା ସଂଗ୍ରହ କରିବ । ପ୍ରାୟ 50 ନମୁନା ସଂଗ୍ରହ ପାଇଁ ଯୋଜନା ରହିଥିବା ସୂଚନା ରହିଛି । ଏଥିସହିତ ଆବଶ୍ୟକ ସ୍ଥଳେ ଖେଳାଳିଙ୍କ ରକ୍ତ ନମୁନା ମଧ୍ୟ NADA ସଂଗ୍ରହ କରିବା ସମ୍ଭାବନା ରହିଛି । ଏଥିପାଇଁ 5ଟି ଡୋପ କଣ୍ଟ୍ରୋଲ ଷ୍ଟେସନ ପ୍ରସ୍ତୁତି କରିବ ।
ଆଇପିଏଲ ମ୍ୟାଚ ଖେଳାଯିବାକୁଥିହା ଦୁବାଇ, ଆବୁଧାବି ଓ ସାରଜାହ ଷ୍ଟାଡିୟମରେ ଗୋଟିଏ ଲେଖାଏଁ ଡିସିଏସ ପ୍ରସ୍ତୁତ ପାଇଁ ଯୋଜନା ରହିଛି । ଅନ୍ୟପଟେ ପ୍ରତ୍ୟେକ ଟ୍ରେନିଂ ଭେନ୍ୟୁ, ଦୁବାଇର ଆଇସିସି ଏକାଡେମୀ ଓ ଆବୁଧାବିର ଜାୟଦ କ୍ରିକେଟ ଷ୍ଟାଡିୟମରେ ଦୁଇଟି ଡିସିଏସ ପ୍ରସ୍ତୁତ ହେଉଛି ।
ଟ୍ରେନିଂ ଭେନ୍ୟୁ ଓ ମ୍ୟାଚ ଭେନ୍ୟୁ ଉଭୟ ସ୍ଥାନରୁ ପରୀକ୍ଷା ପାଇଁ ନମୁନା ସଂଗ୍ରହ କରାଯିବା ନେଇ ସୂଚନା ଦେଇଛନ୍ତି NADA ନିର୍ଦ୍ଦେଶକ ନବୀନ ଅଗ୍ରୱାଲ ।
ବିରାଟ କୋହଲି, ରୋହିତ ଶର୍ମା ଓ ଏମଏସ ଧୋନିଙ୍କ ପରି ଭେଟେରାନ ଖେଳାଳି ମଧ୍ୟ ଡୋପ ଟେଷ୍ଟରେ ସାମିଲ ହେବେ । ସେପ୍ଟେମ୍ବର 19ରୁ ନଭେମ୍ବର 10 ପର୍ଯ୍ୟନ୍ତ ବିଶ୍ବର ବିତ୍ତଶାଳୀ କ୍ରିକେଟ ଲିର ଆଇପିଏଲ ଟୁର୍ଣ୍ଣାମେଣ୍ଟ ଖେଳାଯିବ । କୋରୋନା ଭାଇରସ କାରଣରୁ ବିସିସିଆଇ ଚଳିତ ଥର ୟୁଏଇରେ ଆଇପିଏଲର 13ତମ ସଂସ୍କରଣର ଆୟୋଜନ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
